我搵場地嘅過程都可以話跌跌碰碰、尋尋覓覓㗎。我希望可以喺戶外場地舉行婚禮，一開始已經Target咗香港唔少場地例如上水馬會、Grassland等等。🤔但係好多都唔係好符合我嘅心意，例如某部份地點太過荒蕪，太過偏僻，有啲嘅Minimum charge太高。😨唯獨是我最後選擇嘅Grand Hyatt符合晒我心目中嘅要求。😘

首先，佢哋同時提供室內同埋半戶外場地，就算喺疫情下都可以令到我輕鬆地、冇壓力咁舉行婚禮，再加上地點嘅便利性，任何賓客過去都好方便，係市區戶外場地嘅好選擇。🤩 然後，佢哋場地質素自然不在話下。舉行過無數大型Event，不論係場地定係員工都十分高質，所以作為客人嘅我唔需要擔心。

我睇場地嘅時候佢哋嘅職員已經講解晒Package入邊嘅條款， 非常清晰非常詳盡。😄佢哋公司嘅透明度好高，唔會有任何嘅隱藏收費。我特別想多謝Maggie同Manchi兩位同事嘅幫忙。我因為工作關係，好多時都係深夜先有時間處理婚禮嘅事務，迫不得已好夜先搵佢哋，佢哋多數都係秒回。😭作為打工仔嘅自己都好明白佢哋好忙碌，所以都有講過話唔需要咁快回覆，但係基本上每次佢哋都好快覆，而且每一次都回覆得好詳細，解答到我嘅疑惑。😉

佢哋同我confirm咗個日期之後都好快幫我hold起咗。尤其係Maggie，我真係可以話無間斷咁搵佢幫手，佢都可以即時幫我處理好。😌 除咗員工服務周到，酒店本身都有一個好貼心嘅安排。正常來講午宴係11點至3點進行，但係佢哋好樂意比我提早兩個鐘Set場，然後4點先收場。幫我set場嘅人就可以輕鬆同順暢好多，可以話係事半功倍。☺️

喺嘢食方面，Grand Hyatt水準係冇得彈，無論係肉類定Cocktail都發揮到酒店應有嘅水準同層次，就算我親身試過，但係從賓客個個讚不絕口嘅反應黎睇就可以知有幾好。😋不過如果Catering staff訓練再多啲就好啦。我最後再要讚多次Maggie，我午宴完結嘅時候都有一袋二袋嘅嘢， Maggie好好人，俾我物品存放喺佢哋Concierge，走嘅時候先攞返，係好Warm嘅舉動。😍

因為我平時都成日去Grand Hyatt食飯，嘢食水準唔錯，中西餐都好好，所以就㨂咗Grand Hyatt😋。而當我去睇場同同事講解嘅時候感覺都唔錯，但中間都啲對接人轉換就有啲麻煩。

因為我自己比較要求高嘅人，鍾意親力親為，每一分鐘都要清楚所有細節嘅人。負責同我溝通嘅同事叫Maggie，有時我有好多好仔細嘅問題，會喺好晏大概11、12點去搵佢，而佢都覆得好快。👍

因為我Book場嘅時候因為Covid影響，婚禮只可以限制20人，咁當中好難預計情況，考慮過各方面我就㨂咗Pool House。🧐

我覺得整體上Pool House係安排都唔錯，但就有少少舊，當日食物同同事嘅態度都好好，佢哋其實都接好多Weddding，所以整體表現都好專業🥰，所以當日整個流程都好Smooth👍，但同事嘅速度都啲慢，因為我中間改過Sitting plan，所以可能後期負責嘅同事就無留意到更新，所以擺名牌嘅時候就擺錯咗位，但整體上都唔錯。