香港君悦酒店
Grand Hyatt Hong Kong
4.7
關於 Grand Hyatt Hong Kong

Offering the flexibility of 21 event venues, Grand Hyatt Hong Kong is one of Hong Kong’s most sought-after spots for an unforgettable wedding of any size for up to 888 persons. Our chefs create delightful wedding cakes and exquisite menus, tailor-made to you and your party’s tastes. Our creative floral team crafts magnificent floral decorations for special occasions of every size. The Grand Hyatt Hong Kong wedding team is professional, attentive and efficient, with the knowledge to ensure a hassle-free experience and a memorable celebration.



香港君悅酒店共有21間富彈性的活動場地,可舉辦任何大小以至多達888人的盛大婚宴。醉人的結婚蛋糕及精美的婚宴菜單均為大廚親自設計,並由創意十足的花卉團隊為蛋糕以靈巧的手藝添上高貴的花卉佈置。香港君悅酒店的婚宴籌劃團隊不但可靠專注,而且具效率,並擁有豐富的專業知識,確保婚宴能順利成功地舉行。



 



AWARDS



grand hyatt 2021 HonorDist2022 Award HonorDist2024



中式婚宴
西式婚宴
證婚典禮
中式婚宴
西式婚宴
證婚典禮
套餐詳情
Wedding Ceremony Package
Wedding Lunch Package
Ballroom Wedding Package
Salons Wedding Package
Pool House Wedding Package
Chief Executive Suites Wedding Package
最新評論
整體滿意度
4.7
過濾評語:
em0304
4.5
精選評論
Grand Hyatt喺長輩眼中都覺得比較高尚同體面,而且地點比較好,啲Guest過去都方便😄,喺我哋睇場嘅時候同事Snow都有禮貌,所以就㨂咗Hyatt,我哋整個溝通過程感覺都唔錯,而且跟得唔錯。👍

Big Day當日我哋擺咗大概50圍左右,所以除咗原有Ballroom,都喺出面嘅位置擺多幾圍,其中我哋唔想賓客坐得…

Grand Hyatt喺長輩眼中都覺得比較高尚同體面,而且地點比較好,啲Guest過去都方便😄,喺我哋睇場嘅時候同事Snow都有禮貌,所以就㨂咗Hyatt,我哋整個溝通過程感覺都唔錯,而且跟得唔錯。👍

Big Day當日我哋擺咗大概50圍左右,所以除咗原有Ballroom,都喺出面嘅位置擺多幾圍,其中我哋唔想賓客坐得太迫,所以喺整Floor Plan方面,傾擺位嘅同時間控制都要好好控制,所以我哋同酒店都傾咗唔少,夾嘅過程都好順暢。😁

另外,因為我哋長輩就想自備鮑魚,師傅都好配合,加工得都非常好,所以好多Guest都讚當晚嘅菜式,而且全日跟我嘅Bridal Assistant都好細心,佢會定時幫我整理啲裙,仲會幫手拎我部電話,細微部分佢都跟得好好。😆

因為Big Day當日我哋就4點開始Cocktail部分,Assistant都定時拎水俾我哋﹐又會遞下紙巾,整天的氣氛都唔錯,所以整體服務都唔錯。因為當晚賓客都比較多,所以當日都有即時加枱同櫈嘅情況,而當日Hyatt同事都儘量配合,整體我都覺得成個Wedding都好完美。🥰

但唯一可能當日同事都好忙,我哋Cocaktail 部分就喺Tiffin舉行,而之後就下面大場,所以俾佈置公司Setup時間好短,變咗有啲客4點鬆啲嚟到,佈置公司仲喺度Setup,如果可以Setup嘅時間再可以早少少入場準備,就各方面都好好。😊

婚禮及婚宴場地
Happily Ever After
5
精選評論
我自己係好鐘意Grand Hyatt,覺得佢啲嘢好好食~其實平時每個星期都去,所以我搵結婚場地時都會考慮佢哋。一來我哋想喺港島區近海邊、二來ballroom喺lobby可以快啲入去、第三就係ballroom好flexible,想擺多幾圍都得,而且場地已經有stage唔使搭個台,都好方便。因為我哋盡量想多啲圍數,四十二圍…

我自己係好鐘意Grand Hyatt,覺得佢啲嘢好好食~其實平時每個星期都去,所以我搵結婚場地時都會考慮佢哋。一來我哋想喺港島區近海邊、二來ballroom喺lobby可以快啲入去、第三就係ballroom好flexible,想擺多幾圍都得,而且場地已經有stage唔使搭個台,都好方便。因為我哋盡量想多啲圍數,四十二圍其實已經max咗場地嘅位置。Ballroom裡面亦分咗左右兩間細房,一間男家用一間女家用,空間上分配上都方便。

而場地當日08:30一早就可以交到場,所以decoration就可以好多時間做嘢,相對上都較易安排。Grand Hyatt嗰度吊架唔多位,勾唔多,所以如果想喺天花位置做多啲佈置嘅話就比較難處理。不過因為我都係傾向簡單嘅設計,希望嗰晚嚟晚宴嘅客人可以欣賞到食物同好嘅音樂,所以就用咗啲錢upgrade食物同埋搵咗Tom Lee成個team嚟幫我做concert。而場地「出名」嘅八條美女柱,即係好似希臘風格,有黑色但係上面又有金色嘅柱位,設計上就要顧及返。我鐘意French有啲details嘅嘢同埋嗰排睇完Beauty and The Beast,所以我當時就搵deco公司做咗個金色框嘅設計,好似一條走廊行入去,可以同場地嘅柱夾到。

我哋覺得Grand Hyatt嘅service同食物真係好好,值得一讚。例如試菜,recommendation同出菜安排都掌握得好好(我哋有加錢做多一次tasting)。因為我爸爸同佢啲朋友都係好鐘意食嘢,我哋就upgrade咗係plated,每碟上,啲食物要喺廚房plate咗先出嚟,同埋碟要熱。另外我哋選咗6道菜,其中東星斑係球上,所以都會貴咗,但啲客人食嘅時候啲魚唔會有骨。當晚我爸爸佢每一道菜都真係有去摸吓隻碟係唔係熱,佢都好滿意,而且無客人會覺得啲魚有腥味。唯一有個小評語就係我有啲朋友話有啲核心外圍嘅圍數上菜就慢咗啲,但佢自己係做廚師,所以佢都覺得係可以接受,例如係大約差咗一道菜左右。我自己都覺得呢樣係acceptable,始終我哋四十二圍,要全部每張枱都同時上菜,仲要係每碟分好碟仲熱咁上菜,有少少delay都係可以理解。而且上菜方面即使係遲咗少少,我哋嗰晚準時8點開席,10點真係可以完晒,所以就算係有啲朋友住澳門要趕船都趕到(雖然有啲只係見到甜品但未食得切),我哋覺得上菜安排已經算唔錯。

另外一直幫我哋嘅Staff-Karen (Lee)佢真係好好service。我哋嘅客人名單改咗好多次,改到我換緊衫時我爸爸都仲改緊,所以最後都係靠Karen幫我哋印出嚟。我老豆好開心,因為做到佢最滿意嘅安排,都多得Karen幫手先可以改到最後一刻。而且之前我要求咗士多啤梨蛋糕,當日真係有一個好好食嘅士多啤梨蛋糕提供俾我哋,係好多好多士多啤梨,又好食又大粒~我覺得佢哋真係有用心去聽我想要嘅嘢。Grand Hyatt嘅service同食物我都係好滿意!

酒店
最新優惠
聯絡商戶