因為我屋企人以前都喺Grand Hyatt舉行過婚禮， 而Hyatt食物質素都幾穩定😋，我哋前後都睇咗幾次場地，佢哋都好配合，因應Covid嘅情況，所以我都去咗幾次了解如果需要分場係點樣😊，最後我哋嘅Big Day都唔需要特別分開房，但佢哋同事都有同我介紹特別情況嘅方排。

負責我哋婚禮嘅同事Sisi，跟我哋婚禮都跟得幾足，當初帶我哋去睇場，而佢都好熟悉場哋嘅細節，所以都可以好快覆到我哋唔同嘅情況，但可能佢都比較忙，就需要我哋提多次佢，但係因為我哋嘅Menu有物嘢特別嘅要求，佢都會同Chef講清楚，整體上都唔錯。👍

因為我自己鍾意開揚啲嘅感覺，因為Pool House又有窗，所以我最後㨂咗婚禮喺Pool House 舉行，因為我哋想婚禮有唔同嘅感覺，而晚宴㨂咗 Chief Executive Suite，場景上有多啲唔同。😊

 Big Day當日，Grand Hyatt嘅同事係轉場都好快手，而我哋需要啲乜嘢，佢哋都處理得好快，朝早有段時間酒店有安排一個Assistant幫我手，而食物質素方面朝早同夜晚都好好，啲Guest食完都有讚，特別係夜晚嘅菜式🥰，因為我哋事前都有特意去Request去做啲意大利式Dish嘅Menu，所以酒店都特別幫我哋去Design，當日晚餐嘅價錢大概2千一位，意粉同牛扒都唔錯，成品都唔錯，我哋好多都好滿意🥇，不過如果當日嘅菜式可以再提前啲出嘅話，我哋就可以多啲時間去品嚐。

我搵場地嘅過程都可以話跌跌碰碰、尋尋覓覓㗎。我希望可以喺戶外場地舉行婚禮，一開始已經Target咗香港唔少場地例如上水馬會、Grassland等等。🤔但係好多都唔係好符合我嘅心意，例如某部份地點太過荒蕪，太過偏僻，有啲嘅Minimum charge太高。😨唯獨是我最後選擇嘅Grand Hyatt符合晒我心目中嘅要求。😘

首先，佢哋同時提供室內同埋半戶外場地，就算喺疫情下都可以令到我輕鬆地、冇壓力咁舉行婚禮，再加上地點嘅便利性，任何賓客過去都好方便，係市區戶外場地嘅好選擇。🤩 然後，佢哋場地質素自然不在話下。舉行過無數大型Event，不論係場地定係員工都十分高質，所以作為客人嘅我唔需要擔心。

我睇場地嘅時候佢哋嘅職員已經講解晒Package入邊嘅條款， 非常清晰非常詳盡。😄佢哋公司嘅透明度好高，唔會有任何嘅隱藏收費。我特別想多謝Maggie同Manchi兩位同事嘅幫忙。我因為工作關係，好多時都係深夜先有時間處理婚禮嘅事務，迫不得已好夜先搵佢哋，佢哋多數都係秒回。😭作為打工仔嘅自己都好明白佢哋好忙碌，所以都有講過話唔需要咁快回覆，但係基本上每次佢哋都好快覆，而且每一次都回覆得好詳細，解答到我嘅疑惑。😉

佢哋同我confirm咗個日期之後都好快幫我hold起咗。尤其係Maggie，我真係可以話無間斷咁搵佢幫手，佢都可以即時幫我處理好。😌 除咗員工服務周到，酒店本身都有一個好貼心嘅安排。正常來講午宴係11點至3點進行，但係佢哋好樂意比我提早兩個鐘Set場，然後4點先收場。幫我set場嘅人就可以輕鬆同順暢好多，可以話係事半功倍。☺️

喺嘢食方面，Grand Hyatt水準係冇得彈，無論係肉類定Cocktail都發揮到酒店應有嘅水準同層次，就算我親身試過，但係從賓客個個讚不絕口嘅反應黎睇就可以知有幾好。😋不過如果Catering staff訓練再多啲就好啦。我最後再要讚多次Maggie，我午宴完結嘅時候都有一袋二袋嘅嘢， Maggie好好人，俾我物品存放喺佢哋Concierge，走嘅時候先攞返，係好Warm嘅舉動。😍