蒙娜麗莎 (海外婚禮)
Monalisa Bridal (Destination Wedding)
4.5
香港九龍塘窩打老道159號
23390915 / 5615 8997

CHAPEL?陽光與海灘既婚禮?係咪你既Dream Wedding?


結婚是人生大事,婚前的準備工作往往令準新人頭痛不已。所以近年愈來愈多新人決定拋開繁文縟節,到海外辦一個輕鬆浪漫的婚禮。有不少更邀請至親好友一起飛到外地出席婚禮,將婚禮辦得像親朋好友聚在一起的溫馨聚會,讓親友家人能觀禮之餘,也能好好地享受國外風光。


很多準新人認為到外地辦婚禮收費昂貴而且手續繁複,其實二人海外婚禮套餐費用由 2萬元起,大部份都可加合法註冊,可說比在香港辦一個婚禮更便宜,一般受薪階級也負擔得來。



最新評論
整體滿意度
4.5
過濾評語:
CKT
4.5
精選評論
我一開始係行婚展嗰陣識咗 Wedding planner  Olivia,我哋想搞overseas  wedding,同Olivia了解咗之後就交咗俾Monalisa Bridal Salon幫我哋去搞喇。

我同Olivia淨係喺婚展嗰度見過一次,之後所有嘢都係喺電話溝通,喺婚展我主要係了解返詳情會點搞同budget…

我一開始係行婚展嗰陣識咗 Wedding planner  Olivia,我哋想搞overseas  wedding,同Olivia了解咗之後就交咗俾Monalisa Bridal Salon幫我哋去搞喇。

我同Olivia淨係喺婚展嗰度見過一次,之後所有嘢都係喺電話溝通,喺婚展我主要係了解返詳情會點搞同budget係幾多,所以婚展之後嘅兩三個月我都無聯絡佢。之後我聯絡返Olivia再問多啲details,佢都好有耐性答我,又好有效率咁做到我想要嘅嘢😊。我一開始婚期係2020年年尾,不過因為有咗bb所以轉咗今年年尾,我臨時同Olivia講想轉今年年尾,佢都係一兩日內就覆返我可以,平時好夜都會覆我whatsapp,真係好有責任心👍🏻。

我哋喺12月4-6號去咗峇里島,用咗 Monalisa Bridal Salon 海外婚禮一條龍嘅服務,包埋攝影、化妝同租衫。佢哋會幫我哋安排好晒嗰邊嘅場地同酒店,我哋就喺酒店行禮。佢哋事前會俾啲效果圖我哋,睇吓我哋想揀啲咩style,最後啲擺設係同我哋揀嘅嗰張圖相符嘅,出嚟嘅效果仲更加靚,所以我哋對場地好滿意😍。

我同我老公嘅親戚朋友加埋有成32人一齊去到峇里島,Olivia會幫手安排埋佢哋嘅交通同住宿。Big day當日嘅攝影師好熱情,佢哋係講普通話而唔係英文,所以我爸爸媽媽同佢都會容易啲溝通。我哋上個禮拜就已經拎返晒啲相喇! 啲片都剪好埋! 因為佢哋係簡單調色,唔會後期執得好勁嘅,所以好快就出到啲相俾我哋喇,效率真係好高。👍🏼 佢哋條team有6個人,total都影咗千幾二千張相,當中有成二百張相我哋都係好滿意,可以曬出嚟嘅。佢哋捕捉得好好,係好自然嘅風格,唔會好似排排坐好生硬咁😆。

我哋total有五個人要化妝,我媽咪、奶奶、兩個親戚再連埋我,雖然嗰日只有兩個化妝師,不過佢哋好有耐性、化妝速度好快,可以趕到個schedule。👏🏻 不過個妝就淡咗少少,過咗鏡就會變到好似有啲攰咁,如果可以濃返少少就更加好啦😉。

租衫方面我就係喺Monalisa香港嘅舖頭試完再自己攞去酒店嗰度嘅,款式唔算好多,如果佢哋喺cutting上面可以提供多啲款式選擇就更好啦。揀裙嗰陣如果唔係咁趕都可能會好啲。另外就係去到峇里島big day嗰日,有啲moment我係request咗要有背景音樂嘅,但係最後冇出到,變相有少少瑕疵。😌

成個行程我最欣賞嘅就係去到峇里島當地嘅planner,因為佢真係好細心。我份人比較緊張,好多細緻位都想安排好晒。只要同佢講一句,佢就會去處理好晒所有嘢,做到哂我想要嘅嘢,我真係完全咩都唔洗擔心🥰。同埋啲assistant都好細心,會不停問我洗唔洗飲水,知我出去影相又會準備好風扇,一得閒就會即刻過嚟吹住我,驚我會熱親同口渴咁,真係照顧得好周到😍。

Monalisa整體感覺真係都一般,都ok啦,不過我一定會強烈推薦Olivia👍🏻佢真係好有責任心😊。

旅遊結婚
最新優惠
聯絡商戶