我地擺左一個晚宴，無cocktai嘅。我地就揀左文化中心嗰度嘅翠韻軒，即係以前嘅映月樓，係美心嘅。我地買呢個plan係因為我好鍾意食美心嘅中菜。婚展嗰陣佢俾左張免費卡，嗰陣時翠韻軒裝修緊，我就擔心唔係我想要嘅style。個部長話裝修完，都可以攞張卡俾我，可以喺Open Day自己上去睇，睇岩鍾意嘅先再俾錢，咁我覺得幾貼心。跟住我就上左去睇，覺得係好適合嘅。如果菜單可以多少少就更好喇 😌我自己想要個價係得兩款菜單，D長輩唔咬得太多肉嘅話，特別如果素菜方面可以多D就更好。

另外，佈置上面加加減減佢地都ok，可能我唔想要個油畫架，要轉做花，咁佢都有。個地台我唔想要原有嘅色，想轉粉紅色，咁佢地都配合到。 野食方面，因為好多人客之前都會聽講話D菜凍曬，所以我有同個部長講D菜同海鮮一定要夠熱。問返D賓客朋友，佢地都話夠熱，同埋夠大份，都好味，都係好正面嘅 feedback😋 好開心喇，始終我信得過美心! 👍🏻 燈光同音響方面都好配合到我地，因為係岩岩裝修完，所以直情for iphone 都已經插到入去，唔使好似以前轉windows XP，嗰D要搞好耐。我諗佢個system都係最新 😝 燈光我都滿意，真係做到舒服嘅，唔會做到好暗或者打燈打得過份勁呀，所以都ok 😁