本身我哋好鍾意日本，所以就揀咗喺日本搞婚禮😆。我都有搵過其他公司聯絡下，但可能因為係外國人就覆得比較慢， 而我聯絡Primrose garden嘅時候佢哋覆得好快💗， 而且係用中文回覆，溝通上我就覺得會比較順暢💯。 我哋喺佢哋嘅場地搞婚禮同埋用咗Big Day攝影📸嘅服務。佢哋啲嘢係好清晰，明碼實價，冇隱藏收費。 因為Primrose garden係一個花園形式💐嘅場地， 所以就會多元化啲。連戶外草地都有幾個選擇，而且又有教堂，賓客都可以有多啲地方行，所以都幾特別，一個婚禮可以有幾個元素💗。

我自己有加錢要一個香港攝影師，佢都熟悉結婚嘅儀式，所以會帶領住我哋，例如敬茶嗰陣時佢哋都會幫手講下啲吉利說話。Welcome dinner嗰陣佢哋都有幫手影相，呢一方面我覺得真係好好🥰。攝影師團隊好親切，同我哋相處得好開心，佢哋都有教我哋擺pose，令啲相出到嚟會靚啲同埋自然啲，會話到俾我哋聽邊個角度靚啲💘，令到成個過程更加順利。

我哋想彈琴同埋跳舞，Primrose garden都有安排到，仲安排咗現場樂隊俾我哋🎶。因為嗰陣時係萬聖節， 所以裝飾上都有用到萬聖節嘅元素，我覺得佢哋嘅裝飾同工作都做得好好。本身我諗住只係一個營火晚會，但佢哋竟然幫我整咗個萬聖節主題🎃，有個大南瓜做裝飾。我好鍾意露營嘅主題，佢哋仲整咗一啲火堆，令到大家都記住咗我哋個婚禮😆。Primrose garden都會擺番日本鳥取嘅特色落去婚禮到🤩。

我覺得佢哋好俾心機，因為我都知佢哋未做過呢一類型嘅婚禮，但Primrose garden做到有種參加緊森林入面嘅營火會咁樣嘅感覺❤️，香港係做唔到呢種感覺。成個氣氛都係比較casual，好多朋友見到啲相都即刻問我哋係邊度搞婚禮😚！Primrose garden嘅場地又可以放煙花🎇， 真係同香港或者東南亞地區搞嘅氣氛唔同，而且大家又鍾意日本嘢食，我自己都好鍾意日本🥰！朋友同屋企人都話呢個係佢哋參加過最開心嘅婚禮😆！冬天嗰陣時個場地嘅花園有紅葉，成個過程都好滿意同埋真係好開心💕！

我哋睇到Ming仔之前同佢未婚妻搵Primrose Garden影結婚相，嗰時就對呢間公司有個初步印象。🧐我哋一開始就target搞海外婚禮同埋想要雪景，但係有得揀嘅日本地點唔係好多。我哋行婚展嗰陣都有睇過其他辦海外婚禮嘅公司，而係可以揀嘅場地裏面，Primrose Garden佢哋喺日本鳥取嗰間教有落地玻璃就比較符合我吔嘅要求。另一方面，我哋見佢哋只係做一間教堂嘅獨家代理，會比較focus，唔怕搞錯 ，所以我哋就join咗佢哋連續兩日嘅prewedding加Big Day plan。 其實由join plan到真係結婚，中間隔咗成個疫情，我哋都有同佢地傾吓可以點樣安排，佢哋都俾我哋延期同冇收取其他費用。👍🏻負責人Mini跟得好緊，我哋同佢哋有幾次Face-to-face meeting，中間亦都有WhatsApp聯絡，有啲咩唔明都可以隨時問佢哋。

到上年有風聲話應該會開始放寬同埋開關嘅時候，Mini都即刻聯絡我問我想幾時辦個婚禮，佢驚日本嗰邊會有啲本地客戶用咗我哋嘅理想婚期，就想盡早幫我哋預約，結果我哋今年二月嘅時候就好順利咁舉行到婚禮！🥰🥰 香港呢邊有三個職員同我哋一齊過日本，分別係攝影師Gavin、Primrose garden 代表Vicky同埋化妝師 Mii，佢哋團隊合作非常好。🙈我哋影prewedding嗰日有少少唔好彩，有雪又落雨，天氣好凍，但佢哋依然好專業咁冒雨幫我哋影相，一影完，化妝師又即刻俾暖包同外套俾我，照顧得好好。👍🏻我哋原本預期去三個景點，其中一個景點叫鳥取沙丘，好似小沙漠咁嘅地方，但因為落雨嘅關係Gavin話啲沙影出嚟會冇咁靚，就提議我哋改去其他戶外景。原本contract嗰度話只係三個景點，結果因為某啲戶外景影出嚟嘅相唔係想像中咁多，佢哋最後同我哋去咗四至五個景點，都冇額外收費！

Prewedding嗰朝，我喺新娘房見到有架小朋友嘅玩具車，我個花仔好鍾意玩車，我就問Vicky可唔可以幫我哋安排到俾花仔揸住架車仔入教堂，Vicky都即刻幫我安排到。😘結婚嗰日，花仔就揸住架車仔喺教堂嗰度送戒指嚟俾我哋，我哋大家都好開心！教堂嗰度係落地大玻璃，全部可以打開，出面有個睇落係無盡嘅水池，十字架就喺水池中間，成個景都好靚。😍😍 咁啱我哋結婚嗰日仲要真係落雪，真係緣份嚟～ 婚禮拍片係日本總公司同事負責，佢哋會講英文，Vicky都會幫我哋做溝通，完全無問題。兩邊攝影師文化上會有啲唔同，日本人會比較少指導我哋點拍嘢，而Gavin就會多啲提我哋咩角度影好啲之類，但係都無問題嘅，我哋收返日本嗰邊條片，都拍得好靚好自然！❤️❤️  最後好值得一提嘅係佢哋個教堂旁邊仲有別墅同埋好大嘅花園，prewedding同埋big day兩日都係預俾我哋用，係包埋場。場地分佈好集中，我啲家人朋友住喺別墅，嗰兩日都可以隨意去影相，對於邀請家人去海外婚禮真係幾方便！