Primrose Garden Hong Kong
4.4
關於 Primrose Garden

「水與森之誓言」 Primrose Garden 鳥取婚禮



 



Primrose Garden擁鳥取首屈一指佔地逾10萬呎的歐陸式莊園,當中各色各樣的設施具備,教堂、婚宴餐廳及住宿等一應俱全,規劃相當成熟,配合自家經驗豐富老道的婚禮統籌,全面協助新人處理婚禮內外各種繁瑣事項,最大程度上免卻當中面對的煩惱,有效節省時間及成本。



 



與此同時,在鳥取辦婚禮的限制較香港少,盡可能滿足新人對婚禮的憧憬及想像,包括夢幻燦爛的煙火表演以至騷靈醉人的現場樂隊,加上大山得天獨厚的絕美景色季麗浩瀚的森林與水天一色倒映於粼粼湖面上莊嚴十字架玻璃步道,相信能實現不同人理想婚禮的藍圖,亦能讓同遊的至親好友,留下畢生難以忘懷的燦爛時刻。



最新評論
整體滿意度
4.4
過濾評語:
Connie Woo
4.5
精選評論
我哋睇到Ming仔之前同佢未婚妻搵Primrose Garden影結婚相,嗰時就對呢間公司有個初步印象。🧐我哋一開始就target搞海外婚禮同埋想要雪景,但係有得揀嘅日本地點唔係好多。我哋行婚展嗰陣都有睇過其他辦海外婚禮嘅公司,而係可以揀嘅場地裏面,Primrose Garden佢哋喺日本鳥取嗰間教有落地玻璃就比較符合…

我哋睇到Ming仔之前同佢未婚妻搵Primrose Garden影結婚相,嗰時就對呢間公司有個初步印象。🧐我哋一開始就target搞海外婚禮同埋想要雪景,但係有得揀嘅日本地點唔係好多。我哋行婚展嗰陣都有睇過其他辦海外婚禮嘅公司,而係可以揀嘅場地裏面,Primrose Garden佢哋喺日本鳥取嗰間教有落地玻璃就比較符合我吔嘅要求。另一方面,我哋見佢哋只係做一間教堂嘅獨家代理,會比較focus,唔怕搞錯 ,所以我哋就join咗佢哋連續兩日嘅prewedding加Big Day plan。 其實由join plan到真係結婚,中間隔咗成個疫情,我哋都有同佢地傾吓可以點樣安排,佢哋都俾我哋延期同冇收取其他費用。👍🏻負責人Mini跟得好緊,我哋同佢哋有幾次Face-to-face meeting,中間亦都有WhatsApp聯絡,有啲咩唔明都可以隨時問佢哋。

到上年有風聲話應該會開始放寬同埋開關嘅時候,Mini都即刻聯絡我問我想幾時辦個婚禮,佢驚日本嗰邊會有啲本地客戶用咗我哋嘅理想婚期,就想盡早幫我哋預約,結果我哋今年二月嘅時候就好順利咁舉行到婚禮!🥰🥰 香港呢邊有三個職員同我哋一齊過日本,分別係攝影師Gavin、Primrose garden 代表Vicky同埋化妝師 Mii,佢哋團隊合作非常好。🙈我哋影prewedding嗰日有少少唔好彩,有雪又落雨,天氣好凍,但佢哋依然好專業咁冒雨幫我哋影相,一影完,化妝師又即刻俾暖包同外套俾我,照顧得好好。👍🏻我哋原本預期去三個景點,其中一個景點叫鳥取沙丘,好似小沙漠咁嘅地方,但因為落雨嘅關係Gavin話啲沙影出嚟會冇咁靚,就提議我哋改去其他戶外景。原本contract嗰度話只係三個景點,結果因為某啲戶外景影出嚟嘅相唔係想像中咁多,佢哋最後同我哋去咗四至五個景點,都冇額外收費!

Prewedding嗰朝,我喺新娘房見到有架小朋友嘅玩具車,我個花仔好鍾意玩車,我就問Vicky可唔可以幫我哋安排到俾花仔揸住架車仔入教堂,Vicky都即刻幫我安排到。😘結婚嗰日,花仔就揸住架車仔喺教堂嗰度送戒指嚟俾我哋,我哋大家都好開心!教堂嗰度係落地大玻璃,全部可以打開,出面有個睇落係無盡嘅水池,十字架就喺水池中間,成個景都好靚。😍😍 咁啱我哋結婚嗰日仲要真係落雪,真係緣份嚟~ 婚禮拍片係日本總公司同事負責,佢哋會講英文,Vicky都會幫我哋做溝通,完全無問題。兩邊攝影師文化上會有啲唔同,日本人會比較少指導我哋點拍嘢,而Gavin就會多啲提我哋咩角度影好啲之類,但係都無問題嘅,我哋收返日本嗰邊條片,都拍得好靚好自然!❤️❤️  最後好值得一提嘅係佢哋個教堂旁邊仲有別墅同埋好大嘅花園,prewedding同埋big day兩日都係預俾我哋用,係包埋場。場地分佈好集中,我啲家人朋友住喺別墅,嗰兩日都可以隨意去影相,對於邀請家人去海外婚禮真係幾方便!

旅遊結婚
最新優惠
聯絡商戶