我好耐之前已經bookmark咗佢哋，我pre-wedding/big day都係搵佢哋。我哋鍾意比較自然嘅拍攝手法，唔想要去影樓固定擺pose，所以我哋揀咗去影外景，佢哋畀咗一堆idea我再去揀邊度影相。我哋揀咗去石澳、土瓜灣牛棚、飛鵝山，佢哋影相好快手，出嚟效果又非常靚😍！我哋事前冇特別要求，任由佢哋發揮，我最鍾意係佢哋隨意影。佢哋同出面嘅大公司唔同，佢哋對自己影嘅相、我哋揀嘅衫係有要求，有時我哋揀嘅衫太華麗，佢會話唔太啱style，叫我哋再揀過，我都接受到呢一樣嘢，因為我揀得就相信佢哋。佢哋有合作開嘅化妝師畀我揀，質素都好好！相已經收到曬，好滿意！其實唔使執都已經好靚！我有聽過其他人講佢哋態度唔係幾好，但我覺得攝影師有藝術家嘅性格、有主見都係正常，我揀得佢哋就唔會challenge佢哋，最緊要影出嚟係靚就無問題。

我喺Facebook、IG睇到佢哋啲相，幾鍾意佢哋嘅調色、捕捉嘅畫面，好靚，所以就揀咗佢哋。我冇乜特別要求，事前我哋冇見面，主要用facebook message，佢哋有問相影到啲咩，我都係任佢哋發揮。佢哋諗嘅畫面幾好，我哋照佢哋指導嘅動作去做，叫兄弟姊妹做動作，出嚟效果好靚！啲相好快有，結婚第二日已經有，主要係捕捉自然一面嘅相，台上合照嗰啲就未有，但大部分已經有，啲相影得好好睇！佢哋調色調得好靚，神情捕捉得好好！👍🏼