我自己有對比過唔同婚紗店，有啲態度就好Hea，有啲就會限制你每次試幾多條或者淨係可以試幾耐。唯獨是L'amour佢哋係可以無限轉，喺試衫方面冇咩限制甚至如果我哋覺得11條太多嘅話可以分比兄弟姊妹或者媽媽嘅。😊

好多時我都係臨急抱佛腳咁去問嘢，而同事都會盡快回覆比好多詳細嘅資訊我哋。去到真係試衫嘅時候發覺佢哋嘅選擇非常多，有新嘅都可以再轉。甚至去到我final fit嘅時候覺得其他款好啲，佢哋都願意破例俾我改，可以話係非常彈性嘅處理。🤫

其實佢哋都好多人book，有時我遲到，佢哋打電話黎問我嘅時候都有講過話可能Booking比較full要快少少上嚟啦。但係佢只係善意提醒，絕對唔會黑面，亦都唔話因為我哋遲到而cancel booking。就算遲到佢哋都係會瘋狂比衫你試，試到滿意為止，睇得出佢係真係想新娘子靚。🥰

去到後來比訂金嘅時候我哋又好大頭蝦唔記得帶支票同現金，佢哋都特別比我用PayMe。無論係質素、態度方面佢哋都做得好出色，令到我覺得好舒服，衫嘅款式好正路，就算係男裝都好，簡單、隆重同埋文青嘅款式應有盡有，而且性價比好高。我覺得適合一啲budget唔算好高嘅新人。🤤

我prepare結婚已經係2019年嘅事了，本身諗住上年可以結婚但都係拖到今年。我巧遇La'more佢哋嘅時候其實仲有酒要睇，但當時婚展就快關門，佢哋嘅sales都好願意等埋我哋。不過講真，我當時見到佢哋嘅婚紗已經覺得好眼前一亮，好bling bling。我個人鍾意睇實物多啲嘅，因為硬係覺得網上會有打手，只有真係見過實物先可以分高下。佢哋除咗提供實物之外，都會比我睇客人回圖，唔會淨係得model著嘅靚靚相。我見佢哋嘅package都實惠，服務又唔錯就即場落訂。😆

我個package本身係10件衫，但係Angel又再私底下送多幾件比我。所以除咗我同先生之外，媽媽奶奶、老爺嘅衫都係佢哋度租。我哋每次都係全體總動員一齊上去，一試就試好耐，但係佢哋職員都會好有耐性。佢哋會比空間我自由發揮，比我任揀先，就算有啲係一睇就知唔適合我嘅衫都會由我，起碼我試完會心息。佢哋都知道我啱咩唔啱咩，一睇就知，只係都會尊重返客人，到客人真係搵極都搵唔啱，佢哋一出手就會揀到件最適合嘅。❤️

男士禮服方面都好多選擇，不過可以比多啲自由空間，佢哋西裝方面好多都係一套過，但係我見其他公司嘅配件、配搭都唔少。我哋有係佢哋度租埋馬褂添，款式配搭新潮，絕對唔會似紙紮公仔，不過當然冇得同專做褂衫嘅公司比啦。我老爺奶奶係比較傳統嘅，都會揀返啲黑色西裝同端莊款晚裝。反而我媽媽係鍾意啲新潮款式，最後仲係新娘晚裝到揀到適合佢嘅媽媽衫，開心到佢啊。佢果條晚裝係一字肩、修腰款，可以遮住啲bye bye肉，非常顯瘦。不過我都建議佢哋可以入多啲媽媽裙，比多啲選擇佢哋。😎

除咗係衫高質之外，佢哋都好為客人設想，好似朋友咁。我疫情期間改期改咗5次都冇收過extra cost，佢哋唔會迫我提早好多試衫同改衫，反而係比我留到last minutes先，因為只要一日未改衫就唔洗額外收費。🥺除此之外，我事隔兩年再上去佢哋公司，佢哋嘅同事都認得我，仲話我瘦咗好多，記住婚禮完要食返多啲嘢，又會比好多tips我，真係好似阿媽睇住個女嫁咁。😉