當初我喺婚紗展認識La More，因為佢有婚紗同媽媽衫一齊選擇嘅package，我覺得好吸引😍，所以我哋就揀咗La More嘅衫喺big day着。 喺婚紗展嗰陣時，係Meiling同我哋介紹package嘅，我哋了解過其中一個package包八件禮服，但唔會要求全部都要係新娘着嘅，都可以揀媽媽衫，覺得彈性好大。所以行完成個婚紗展之後，我哋最後都係想再返去La More了解一下佢裙褂嘅款式。由於我之前上網睇過新人對結婚商戶嘅評價，有啲被列入咗黑名單，我都有啲擔心，但我有double confirm，La More係一間評語唔錯嘅舖頭，同埋Bespoke網站都有好多人讚。加上，Meiling都好有耐性，同好清晰講解Package嘅細節！🥰 

Meiling喺我去試衫嘅過程都有跟足，我諗去十次有八九次，佢都有全程喺我隔離協助我試衫，好helper 👍🏻。而La More嘅婚紗着上身都好舒服，即使有線頭或者着上身有蓬起嘅地方，Staff都會即刻幫我解決，幫我整理一下，條婚紗就可以即刻順返。所以根據La More嘅服務同埋婚紗質素，我係覺得體驗好好🤣！如果媽媽衫嘅款式選擇有再多啲就更加好啦😆。

喺還衫方面， La More嘅指示其實都好清晰。佢哋係點數量嘅，又有袋衫嘅袋同埋衣架，收據都會標明係邊幾件衫嘅，所以喺還嘅時候只要數返啱數就OK。 我覺得La More嘅package同埋還衫方面嘅安排都透明度好高，La More值得選擇！👍🏻