揀La More主要嘅原因係佢哋價錢合理，而且服務態度好，同事都幾friendly，無論我問咩問題同事都解答到，覆得都算快🥰。我哋去試婚紗嗰陣，雖然款式唔算好多，但都係比較常見嘅款，對我嚟講都容易揀，唔會有揀嚟揀去都冇心水嘅感覺。而且啲婚紗都幾新淨，乾乾淨淨，望落去感覺舒服😆。當時揀婚紗時，同事都會先問下我有冇心水款式，先了解我嘅喜好，再推薦啲適合嘅款俾我。我最後租咗三套，成個過程都算順利💖。

La More完全唔會hard sell我，呢點比起其他公司好好多。其他公司可能會催你快啲決定，甚至會俾少少壓力去令你落單，但La More完全唔會，佢哋會俾你慢慢試，自己諗清楚先決定，而唔係單純想做生意就催新人落單🥹。我哋試衫試咗好多次，佢哋都冇限制話試幾多次就唔可以再試，仲會主動比新款我哋揀，感覺La More真心希望新人可以揀到自己最滿意嘅婚紗💕。

至於試衫環境，地方唔算大，但私隱度都OK，有時試衫要去佢哋後面整衫嘅地方，但都唔會有太擠迫或者唔舒服嘅感覺☺️。改衫方面，同事都改得準，佢哋仲會幫手諗點樣襯啲accessories，例如手袖、珠鏈之類，因為我想遮下手臂，佢哋就幫我襯啲飾物，令成個造型更加好睇，呢一方面覺得La More都幾細心🌟。我覺得La More嘅社交平台可以更新得密啲，有新款返咗新人就可以快啲知道👍！另外，款式方面都可以再多啲選擇，雖然有啲款佢哋未必有，但同事都會推薦返其他類似嘅款俾我😁。 

同La More嘅同事聯絡嗰陣，我哋覺得同事好nice，仲好helpful😆。款式方面，La More每個月都有新款上架，唔會令我哋覺得啲婚紗過時，而且La More啲衫好新淨🌟。試衫過程中，同事唔會怕麻煩，會鼓勵我哋試多啲唔同款。La More幫我哋揀衫同試衫時都好有心，會好積極咁推薦啱我哋嘅款式。我哋每次上到去都唔會有太多人，同埋都幾易約😁。

至於西裝方面，男裝禮服嘅款式比女裝少啲，而褂嘅選擇亦唔算多，但最後我哋都搵到啱嘅款式😚。另外，La More同事喺每次我試衫嘅時候都會俾好多建議，特別係同事Lok Yau，佢每次都會全程跟住我，了解我嘅喜好，又會介紹唔同款式俾我，做嘢都好快手。我哋上去試衫嘅時候，佢大多數都喺到，就算唔得閒都會同同事講返我哋嘅想要啲咩💕。

同事Melody又會根據我身形幫我諗點樣遮到唔同位，同埋點樣突出優點，真係好細心😜。如果可以多啲試身室或者擴大空間就會更加好😆。同埋西裝多啲選擇，新娘有埋大碼嘅選擇就會更加完美！人手方面，多啲同事嘅話，佢哋就唔洗咁辛苦🥰！