我第一次聯絡La more同事嗰陣，佢哋都好 nice，而且價錢透明，同事都將啲細節講得好清晰🌟。 去到La More試衫嗰陣，我覺得佢哋嘅款式都幾多元化，唔同風格都有。同事每次都好主動，會問下我有冇特別要求或者喜好，再根據我嘅需要，推薦款式俾我試。成個過程幾舒服，完全冇 hard sell，全部都係自己揀啱就租👍。我自己覺得La more服務唔錯，仲介紹埋屋企人一齊去租！今次總共租咗 11 套禮服，每次去試衫，同事態度都好好，好有耐性，改裙嘅裁縫姐姐都幾細心。因為有啲裙係新款嚟，所以未改過，佢哋都會按我嘅size重新改，都用咗唔少時間，感覺到佢哋好用心💕。同事仲會分析我嘅身形，建議邊條裙會比較襯我，呢點我幾欣賞。 成個過程入面，我最欣賞嘅係佢哋夠貼近潮流，有好多新款式，職員又笑容滿面，好願意聽我哋嘅要求。就算我決定得比較遲，又要 hold 裙，佢哋都盡力滿足我嘅要求，真係幾 helpful🥰。裁縫姐姐改 size 改得幾好，成個服務感覺專業又細心。 我覺得場地如果可以再大啲就更好。因為客人比較多，有時 book 時間要早啲預約，臨急臨忙就未必 book 到。La more每套禮服都 pack 得好整齊，拎嘅時候都好放心，屋企人都讚同事態度好，話同事 nice 又有耐性，肯花時間幫佢哋試，大家都覺得好開心😆。