一開始係細妹推薦我去 La more到租衫，因為佢之前租婚紗都係喺呢到租，所以我就揀咗佢哋😍。La more嘅婚紗、晚裝，男士西裝同褂都有好多選擇。佢哋嘅服務都好好，尤其係同事Melody，佢非常細心，會俾我好多專業意見，例如係點樣改婚紗。因為當時另一半出去整嘅西裝有啲問題，佢都有俾啲提議我哋可以點樣整，但最後發現時間太緊迫，改唔切，佢就建議我哋租La more嘅西裝，咁就唔需要再出去搵🥹。我哋後尾發現其實唔一定要出去整西裝，因為嗰件西裝平時未必會着到。而且租西裝都有好多款式可以揀，啲色比起出去整嘅可能會更加靚添🥰。所以Melody喺各方面都俾咗好多意見我哋。同埋Melody覆嘢都覆得好快，又好有耐性去答我哋嘅問題，所以我哋都會主動提出自己嘅問題✨。

我哋嗰陣時租咗一套晚裝、一套婚紗同埋兩套男士西裝。揀衫嘅時候，我都會有啲猶豫嘅moment，但La more嘅同事好主動，會先了解我鍾意嘅類型，然後揀幾件俾我睇，睇完如果覺得唔啱，佢哋又會再俾唔同嘅建議，令我可以更加快揀到啱嘅禮服😝。至於喺男士西裝方面，佢哋有唔同顏色嘅衫同tie可以配搭。La more嘅婚紗款式真係多，有啲簡單嘅款式，又有啲比較特別啲嘅設計，都多選擇。佢哋喺呢一方面真係做得好，男士西裝都有好多選擇，唔會覺得有局限🤩。

其他地方好多都有件數或者時間上嘅限制，但有陣時未必一嚟就試到最適合嘅衫。但係La more件數係無限試同無限我哋試嘅時間，呢點真係非常難得💯。同事會好整齊咁pack好啲衫，我哋拎返屋企嘅時候完全唔洗擔心啲衫會有啲咩問題🥳。當然，我覺得La more仲有可以進步嘅地方，例如係試身空間可以再大啲，另外，配飾例如耳環，或者金器嘅租借選擇可以再多啲，方便新人可以喺同一個地方解決曬啲問題，唔洗周圍走😆。 

我哋覺得La more啲衫真係好靚，所以就決定上去試衫🌟。第一次上去，見到婚紗都好多款。同事都好專業，因為我放工先有時間去試，都擔心會阻同事收工，但係佢哋都好有耐性去服務我哋🤩。我試咗幾款婚紗，都係同事Melody推介俾我。佢好專業，睇完我身型之後，幫我揀啱我嘅款，啲款都好貼合我嘅風格🤪。

揀紅裙嘅時候，其實我都揀咗好耐，差唔多到final fit嘅時候其實我都仲揀緊，同事都會主動俾新貨我睇吓，再搵下有冇啱嘅😆。每一次我哋都會book時間上去，上到去連埋我哋，大概有兩對新人，但overlap嘅時間都係得半個鐘左右😝。我哋總共租咗1 條婚紗、2 條晚裝，仲有兩套男士禮服，連埋一啲飾物。晚裝同男士禮服方面嘅選擇真係幾多，好多款都好靚。La more嘅男士禮服會有唔同嘅細節設計，例如係衫領嘅物料，暗紋嘅設計，睇落都幾特別🥳。

La more嘅化妝師真係好專業，當日我個妝好多賓客都讚，真係化得好好，自然得嚟好精神，我都好滿意❤️。化妝師都好照顧我，不停問我有冇其他需要，佢仲會提前了解我嘅喜好，會叫我揀啲鍾意嘅妝容或者髮型俾佢參考🥳。試衫嘅空間夠大，可以睇清楚婚紗拖尾嘅效果，仲俾埋高踭鞋我，可以試埋成套衫出嚟嘅感覺，真係好貼心😍。 我特別欣賞La more嘅專業。有次去試衫，見到同事明明準備食飯，但因為我哋到咗，佢哋都會先服務我哋，將自己嘅嘢擺埋一邊，真係非常專業，我哋自己都唔好意思🥲，所以覺得同事都好照顧我哋✨。希望佢哋可以請多幾個同事，咁就可以冇咁辛苦🤣！