第一次試衫係La more同事Melody負責我呢對新人，每次試完衫之後，佢都會記得我試過啲咩款，之後每次去都係同事Melody同我一齊睇衫🥰。對我嚟講，呢樣嘢真係幾加分，因為每次都係同一位同事負責，咁我就唔需要重複講返啲要求或者再解釋多次✨。而且同事Melody都會建議啲款俾我，最後我哋租咗12-13件🤩。我媽咪覺得La more有好多size可以揀，唔似其他地方咁難搵到合適嘅size。同埋佢都話La More嘅同事好好，佢都試得好開心💕。我自己揀衫嘅時候，有時我都唔係好知自己想要啲咩款，La More嘅同事就會問我想要華麗啲款定簡單啲款，然後俾幾個選擇我，幫我確定個方向，令我容易啲揀到啱嘅款，真係幫到我好多，唔洗自己一個人咁亂🥳！

我哋會喺上去試衫之前同同事預約，上到去之後同事都唔會限制我哋試衫嘅時間。La more同時最多會接待三至四對新人，所以我哋都唔會覺得迫，同埋我哋完全唔需要急住做決定😁。La more嘅packing都做得幾仔細，佢哋會問我想點pack，例如係分開男家女家，呢個細心嘅服務令我覺得La more真係好貼心💯！