Lost Stars Livehouse Bar & Eatery
4.7
關於 Lost Stars Livehouse Bar & Eatery

Lost Stars為一家擁有高質素裝備的 Live house,不僅是一個讓表演者展示才能及與觀眾互動的多元化平台,更非常適合舉辦婚禮派對。

迷人室內設計

-Lost Stars 白天是一家舒適,時尚的餐廳;夜間為你帶來截然不同的感覺,優雅而富有現代感,為你完美的派對打開序幕。

高品質舞台效果

-Lost Stars 特意打造的設備及器材媲美劇院級別的舞台,令婚禮樂隊的現場演奏倍添精彩,令賓客印象深刻回憶更致難忘。

現代西餐

-所有食譜均由法國藍帶國際學院的廚師設計,由專業團隊精心製作的菜餚令所有親友再三回味。



西式婚宴
西式婚宴
最新評語
整體滿意度
4.7
過濾評語:
David Ng
4
精選評論
我一直都想個婚宴特別啲,今年去過好多朋友同事嘅婚宴,都係喺酒樓酒家嗰啲大家都熟悉嘅地方,有啲地方甚至乎一年去過兩次,所以我自己就想搵個特別啲嘅地方🤓搵嘅時候發現好多場地有特別嘅要求,一係話有最低消費,一係就係俾啲場我哋唔係好滿意,因應日子有啲場又會熱門啲。因為我哋本身邀請嘅人唔算多,啲親戚都喺內地嗰邊,所以都係邀請香港…

我一直都想個婚宴特別啲,今年去過好多朋友同事嘅婚宴,都係喺酒樓酒家嗰啲大家都熟悉嘅地方,有啲地方甚至乎一年去過兩次,所以我自己就想搵個特別啲嘅地方🤓搵嘅時候發現好多場地有特別嘅要求,一係話有最低消費,一係就係俾啲場我哋唔係好滿意,因應日子有啲場又會熱門啲。因為我哋本身邀請嘅人唔算多,啲親戚都喺內地嗰邊,所以都係邀請香港嘅朋友,圍數唔多,最後我哋就喺婚展搵到Lost Stars呢個場地,個時已經好滿意,覺得佢哋好特別,無諗過會係一間餐廳/酒吧,有啲現場嘅音樂咁,價錢方面又抵👍🏻我哋有上google再睇下呢個場地嘅介紹,但無去現場睇環境就已經落咗訂啦。

我太太本身有玩開少少音樂,我都想藉住個舞台同大家分享下我同太太嘅經歷,因為我去過好多唔同嘅婚宴,覺得個流程好standard,新人喺臺上面講完感言同敬酒嘅環節之後基本上就無咩同賓客見過面,大家都坐低圍埋一齊食飯咁樣。當我知道Lost Stars嘅婚宴係自助餐形式,我都ok嘅,因為雙方父母無限制我哋要點搞,所以就可以自由啲。佢哋有合作方,可以提供啲即影即有服務,所有嘢都好新鮮特別,同我之前參加過嘅婚宴好唔同。

之前聽佢哋講有180人喺嗰度擺過,我地請120人,以為會好寬鬆,點知我地俾seating plan個時,餐廳先話有一部分人係坐唔到嘅,好彩因為疫情關係實際上就無咁人,大概得60-70人,所以感覺係好鬆動嘅,個個都有位坐,好舒適咁享用美食😋不過佢哋以後就可以提醒下啲新人,睇下佢哋賓客嘅年齡,因為我諗後生嘅係唔介意企,但有大有細嘅朋友或有bb車之類,就需要多啲位啦。

Lost Stars好好,知道疫情後,第一時間whatsapp同打俾我哋傾當晚要點樣去處理,一來可以保障大家,二來都係令到啲親朋戚友可以安心啲。Lost Stars嗰邊有提供酒精搓手液為賓客清潔雙手,去到攞食物嘅範圍就要戴返個口罩,仲有提供信封俾我哋暫時放低個口罩😇

我聽返賓客嘅comment都讚個場地好靚好特別,同埋我記得Lost Stars有keep住update佢哋嘅設備,我哋一開始去到餐廳度試下嘢食同感受個環境嘅時候,見到佢哋有個大螢幕像素係好低清嘅,但係去到我哋婚期嘅時候就已經update咗成個螢幕,當晚我哋播成長片段好清晰,所以我覺得佢哋唔係淨係停留喺當初,而係keep住有進步嘅,我好欣賞呢一點啊!

我哋有邀請佢哋幫我哋負責音響,佢哋都好好幫我哋仔細咁check過,好專業。我太太上臺彈琴,佢哋就set好啲mic,有個mic架俾我太太自彈自唱。佢哋有考慮到個臺空間有限,事前預留定地方俾我太太上臺又唔會阻礙到佢,呢點真係好好😙我哋一開始係同職員Krystle一齊傾,佢俾好多意見我哋要點做,討論成個rundown。同埋當晚我哋基本上都無時間食嘢,佢都好好咁叫廚房安排咗兩份嘢食俾我哋。如果想搵啲特色地方擺婚宴嘅新人,可以考慮下Lost Stars呀。

婚禮及婚宴場地
Catrina
5
精選評論
我同先生係基督徒,行完教堂之後就想有個地方可以after party,可以食下嘢又有…

我同先生係基督徒,行完教堂之後就想有個地方可以after party,可以食下嘢又有live音樂聽下咁。我哋都有啲比較麻煩嘅要求,例如我先生係有玩開音樂嘅,所以對音響嘅quality都好有要求,但係香港好多場地嘅音響都唔夠好,同埋我哋想隊live band有鼓、bass、結他同琴,呢啲嘢擺埋一齊嘅時候唔係個個場都食得住。而我就係對嘢食好有要求,對我嚟講個場地有質素好嘅食物同靚酒cocktail係好重要嘅😆。我哋睇咗好多場地,價格都係普通partydouble,我哋就比較想搵啲affordable嘅,所以睇咗咁多場地都覺得唔啱。

之後輾轉之間先搵到Lost Stars,因為我有個朋友係獨立音樂人,佢會定期喺嗰度出開show,咁我見到佢個場地有表演地方,又有嘢食,就即刻上網search啦,之後見到Lost Stars係可以擺到一百幾人嘅。我喺我朋友表演嗰日特登去個場食嘢同睇場,覺得佢哋啲嘢好好食,二嚟音響嘅setting都好好,音質好清,成個場地又好有氣氛😍。我哋就覺得幾適合啦,人數又容納到,所以就搵咗朋友介紹。

其中一個老闆就同我哋傾,第一次傾已經覺得好舒服啦,佢會問我想點搞同有咩諗法,我哋都講咗想自己有啲live music。我哋原本都未決定擺下晝定夜晚,但係佢傾完就同我哋講結婚可以唔好洗咁多錢,不如就擺下晝啦,質素都係好好嘅,成件事就會抵啲,真係好為我哋著想🥰。佢都好老實咁同我講話啲錢拎嚟整好啲間新屋或者去honeymoon用仲好啦,同埋我哋唔想賓客咁大壓力要俾好多人情啦。佢哋仲好好咁幫我哋upgrade咗啲嘢食,最後我哋考慮咗一輪之後就決定喺佢哋嗰度擺西式buffet嘅下晝party啦,請咗150人左右,就會喺嗰度三個半鐘。

溝通方面佢哋都做得好好,我俾咗rundown佢哋會執左再send返俾我,俾咗好多專業意見我哋,又可以早一日俾我哋擺啲嘢過去😙。我家姐係甜品師,就負責我婚宴嘅candy corner,佢比較高要求,但係嗰度嘅員工都會盡量滿足。同埋我上過嗰度傾咗幾次,飲咗款好好飲嘅cocktail,但係我自己個package無包嘅呢款cocktail,我真係好鍾意呢款cocktail,就同佢哋講可唔可以出呢款,佢哋一開始話無咁多杯可以serve到,因為佢哋都好有要求,無咁多杯做唔到係唔會出嘅,最後佢哋專登買咗啲杯。之後又幫我諗埋,因為紅酒白酒啤酒有得任飲,原本包嘅100cocktail都未必飲得晒,就扣咗做80杯普通cocktail,仲有20杯就可以做我好鍾意嗰款cocktail,好彈性,好盡力滿足我嘅要求😇

去到big day嗰日有個朋友走嚟同我講呢個係佢去過最好嘅婚禮,因為個場比較free,可以企下行下聽下街,嘢食好食,白酒紅酒都好飲。其中一隻義大利酒飲落好厚好好飲,佢哋都話喺香港無咩地方會用呢隻酒,因為都貴嘅,但係佢哋就俾我哋任飲,真係好抵😋。三個半鐘入面我哋play咗兩個半鐘音樂,全部都係live,我同先生會上台講下我哋嘅love story,又會唱下歌咁。場地音響佢哋會有專人推panelset up,好專業。燈光方面佢哋都有幾段燈光,就問我哋想要幾光幾暗,我哋都去咗個場幾次test啲嘢。

我哋好滿意好鍾意個場,不過都有個小插曲,我先生嘅兄弟打鼓嗰陣就發現set鼓少咗個high head,佢就有啲無奈,因為練咗好耐🙈。同Lost Stars講咗之後佢哋第二嗰session都加返啦,之後同佢哋傾返先知原來專業鼓手會自己帶嚟,所以佢哋就無擺喺度,如果佢哋呢個位可以改善下就更加好啦👍🏻

我喺big day嗰日都無時間理到場地嘅嘢,聽返朋友講話拎嘢食條隊排得好長。同埋,嗰度預坐得晒嘅人數係120人,我擺150人嘅話就會有啲人無得坐啦,擺buffet會令人流比較難控制。不過佢哋有分canapebuffetsession,如果buffet時間長啲,canape時間短啲啲,啲人就會有足夠時間拎嘢食啦,因為佢哋都可能會見到好多人就唔攞。

有咁樣嘅音響同食物質素,佢哋嘅價錢真係物超所值啦,仲送埋香檳,簡直係做爛市啦🤩。佢哋本身嘅裝修已經好靚,仲入圍咗個設計獎,我都唔洗再做咩decoration啦。我最欣賞嘅係佢哋餐廳嘅value,佢哋係想俾音樂人一個平台表演,佢哋提供咗個機會俾音樂人唱歌,做音樂嘅交流同分享,呢一點真係好難得,我哋都好想support佢哋😊。呢一點都係我會推介佢哋俾其他人嘅理由,會feel到佢哋唔係淨係想做生意,佢哋嘅用料、碗碟刀叉嗰啲都好講究。本身鍾意音樂同對食物有要求嘅人就好適合佢哋啦,不過佢哋係新式啲嘅,比較傳統嘅新人可能就未必接受到啦

婚禮及婚宴場地
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
婚禮化妝造型
0
最新優惠
聯絡商戶