Lost Stars Livehouse Bar & Eatery
4.7
香港大角咀利得街11號利奥坊一期地下506號舖
61872298 / 2337 6728
關於 Lost Stars Livehouse Bar & Eatery

Lost Stars為一家擁有高質素裝備的 Live house,不僅是一個讓表演者展示才能及與觀眾互動的多元化平台,更非常適合舉辦婚禮派對。

迷人室內設計

-Lost Stars 白天是一家舒適,時尚的餐廳;夜間為你帶來截然不同的感覺,優雅而富有現代感,為你完美的派對打開序幕。

高品質舞台效果

-Lost Stars 特意打造的設備及器材媲美劇院級別的舞台,令婚禮樂隊的現場演奏倍添精彩,令賓客印象深刻回憶更致難忘。

現代西餐

-所有食譜均由法國藍帶國際學院的廚師設計,由專業團隊精心製作的菜餚令所有親友再三回味。



西式婚宴
西式婚宴
套餐詳情
Afternoon Wedding Party
Night Wedding Party
3 in 1 Wedding Plan
3 in 1 Wedding Party
最新評論
整體滿意度
4.7
過濾評語:
David Ng
4
精選評論
服務 / 婚宴日期: 2020.02.22      
我一直都想個婚宴特別啲,今年去過好多朋友同事嘅婚宴,都係喺酒樓酒家嗰啲大家都熟悉嘅地方,有啲地方甚至乎一年去過兩次,所以我自己就想搵個特別啲嘅地方🤓搵嘅時候發現好多場地有特別嘅要求,一係話有最低消費,一係就係俾啲場我哋唔係好滿意,因應日子有啲場又會熱門啲。因為我哋本身邀請嘅人唔算多,啲親戚都喺內地嗰邊,所以都係邀請香港…

我一直都想個婚宴特別啲,今年去過好多朋友同事嘅婚宴,都係喺酒樓酒家嗰啲大家都熟悉嘅地方,有啲地方甚至乎一年去過兩次,所以我自己就想搵個特別啲嘅地方🤓搵嘅時候發現好多場地有特別嘅要求,一係話有最低消費,一係就係俾啲場我哋唔係好滿意,因應日子有啲場又會熱門啲。因為我哋本身邀請嘅人唔算多,啲親戚都喺內地嗰邊,所以都係邀請香港嘅朋友,圍數唔多,最後我哋就喺婚展搵到Lost Stars呢個場地,個時已經好滿意,覺得佢哋好特別,無諗過會係一間餐廳/酒吧,有啲現場嘅音樂咁,價錢方面又抵👍🏻我哋有上google再睇下呢個場地嘅介紹,但無去現場睇環境就已經落咗訂啦。

我太太本身有玩開少少音樂,我都想藉住個舞台同大家分享下我同太太嘅經歷,因為我去過好多唔同嘅婚宴,覺得個流程好standard,新人喺臺上面講完感言同敬酒嘅環節之後基本上就無咩同賓客見過面,大家都坐低圍埋一齊食飯咁樣。當我知道Lost Stars嘅婚宴係自助餐形式,我都ok嘅,因為雙方父母無限制我哋要點搞,所以就可以自由啲。佢哋有合作方,可以提供啲即影即有服務,所有嘢都好新鮮特別,同我之前參加過嘅婚宴好唔同。

之前聽佢哋講有180人喺嗰度擺過,我地請120人,以為會好寬鬆,點知我地俾seating plan個時,餐廳先話有一部分人係坐唔到嘅,好彩因為疫情關係實際上就無咁人,大概得60-70人,所以感覺係好鬆動嘅,個個都有位坐,好舒適咁享用美食😋不過佢哋以後就可以提醒下啲新人,睇下佢哋賓客嘅年齡,因為我諗後生嘅係唔介意企,但有大有細嘅朋友或有bb車之類,就需要多啲位啦。

Lost Stars好好,知道疫情後,第一時間whatsapp同打俾我哋傾當晚要點樣去處理,一來可以保障大家,二來都係令到啲親朋戚友可以安心啲。Lost Stars嗰邊有提供酒精搓手液為賓客清潔雙手,去到攞食物嘅範圍就要戴返個口罩,仲有提供信封俾我哋暫時放低個口罩😇

我聽返賓客嘅comment都讚個場地好靚好特別,同埋我記得Lost Stars有keep住update佢哋嘅設備,我哋一開始去到餐廳度試下嘢食同感受個環境嘅時候,見到佢哋有個大螢幕像素係好低清嘅,但係去到我哋婚期嘅時候就已經update咗成個螢幕,當晚我哋播成長片段好清晰,所以我覺得佢哋唔係淨係停留喺當初,而係keep住有進步嘅,我好欣賞呢一點啊!

我哋有邀請佢哋幫我哋負責音響,佢哋都好好幫我哋仔細咁check過,好專業。我太太上臺彈琴,佢哋就set好啲mic,有個mic架俾我太太自彈自唱。佢哋有考慮到個臺空間有限,事前預留定地方俾我太太上臺又唔會阻礙到佢,呢點真係好好😙我哋一開始係同職員Krystle一齊傾,佢俾好多意見我哋要點做,討論成個rundown。同埋當晚我哋基本上都無時間食嘢,佢都好好咁叫廚房安排咗兩份嘢食俾我哋。如果想搵啲特色地方擺婚宴嘅新人,可以考慮下Lost Stars呀。

婚禮及婚宴場地
cathy531
4.5
精選評論
服務 / 婚宴日期: 2019.12.15      
我哋係喺婚展偶然見到Lost Stars嘅booth,見到佢有同一間deco公司合作嘅package,之後就去了解咗佢哋嘅服務。其實我本身都無諗過要行西式架,都已經喺第二間中式嗰度落咗訂,但係見到Lost Stars就萌生咗想行西式嘅念頭🥰。

佢哋嘅service係all round咁包咗好多嘢嘅,我哋預算嘅人數都唔…

我哋係喺婚展偶然見到Lost Stars嘅booth,見到佢有同一間deco公司合作嘅package,之後就去了解咗佢哋嘅服務。其實我本身都無諗過要行西式架,都已經喺第二間中式嗰度落咗訂,但係見到Lost Stars就萌生咗想行西式嘅念頭🥰。

佢哋嘅service係all round咁包咗好多嘢嘅,我哋預算嘅人數都唔多,所以佢哋容納嘅人數都接近我哋嘅預算,對於我哋嘅budget同想要嘅style嚟講都係幾適合嘅。老闆Nattie都有同我哋解釋想點樣做呢個婚宴,雖然佢哋唔係做咗好長時間嘅婚宴,比其他中式餐廳做婚宴嘅時間短啲,不過聽完Nattie解釋埋場地嘅運行、佢哋對於食物同音響嘅要求、搞event嘅經驗,俾到信心我哋夫婦,所以婚展當日就即刻決定揀佢哋啦👍🏻。

其他同事follow up嘅時候會俾我睇下之前其他婚宴嘅相,睇下成個場地嘅layout要點排。平時我哋有咩問題都會whatsapp佢哋,佢哋好快覆message。之後我哋帶屋企人去試菜嘅時候都係有live show嘅,感受到嘅氣氛係點,因為big day當晚我哋會有相熟嘅朋友表演,試菜時可以想像我哋婚宴都會好似咁樣嘅party形式,又可以知道啲食物quality咁好就更加肯定到,覺得呢個真係我哋想搵嘅地方啦🥰。

我哋揀咗佢哋西式buffet晚宴包場服務,個package包咗100位西式dinner buffet,有六款主菜四款小食,仲有啲紅白酒同汽水、wedding mc、一個真嘅結婚蛋糕,decoration嗰邊就包晚宴嘅裝飾佈置、一條婚紗、新娘花球,新郎襟花、伴郎伴娘襟花、一套首飾同一套回禮禮物,所以我唔洗再煩其他啦,就照每個item揀返想要嘅style,例如蛋糕口味同菜式嗰啲,大部分嘢都可以經過佢哋解決晒啦😇。

我哋嘅賓客有大概140位,big day前都好擔心坐嘅問題,我哋安排咗差唔多80個可以坐嘅位,讓晒俾長輩坐,咁其他人就係行行企企咁,都會擔心啲朋友會唔會好似方便。不過Lost Stars嗰邊俾我哋睇過之前其他新人喺度擺180人嘅相,我哋覺得係鬆動嘅,之後去到當日我哋都發現係真係唔會迫嘅,大家係會去攞嘢食同去吧台攞嘢飲咁,又圍埋一齊傾下計,氣氛反而係好輕鬆,所以座位真係唔係好大問題嘅😆。不過長輩一開始就有少少微言嘅,因為佢哋去開啲中式晚宴,對啲座位表唔係一圍圍咁好唔熟悉,又會提出可唔可以加啲位咁。我哋傾嘅時候都有定好啲位要點坐,所以除咗我哋前台嘅兄弟姊妹,啲staff都會幫手疏導下啲長輩,照顧佢哋。

不過我覺得Lost Stars嗰邊一開始就可以同新人講下座位嘅問題,因為我哋本身對於佢哋嘅floor plan唔係好熟悉,婚展嗰日聽佢哋介紹主要集中喺佢哋個package會包啲咩,佢之後再解釋返我哋先知big day嗰日嘅場地要有啲咩expectation,因為佢哋嘅場地都唔係好大嘅,有啲坐嘅位置會望唔到個台,所以對於其他新人對場地嘅expectation,佢哋都要解釋得好清楚啦,即係party形式就係有啲人要企嘅。不過我哋夫婦嘅朋友就覺得個場好正好free,氣氛好輕鬆,賓客好enjoy嘅,我同老公可以成晚喺個場遊走,唔會好似平時嗰啲離得好遠傾唔到計咁🥳。

婚禮及婚宴場地
最新優惠
聯絡商戶