〈Lost Stars〉 這個名字來自一齣電影的主題曲，是一齣關於追夢的電影” Begin Again” 《一切從音樂開始》。Lost Stars Livehouse Bar & Eatery的故事，如同曲中歌詞一樣，幾位創辦人憑藉對音樂藝術文化的喜愛，相約建立一個擁有優質餐飲創意，令觀眾、樂手及Lost Stars 團隊三方互相尊重的藝文音樂空間。
2018年起在大角咀開業的Lost Stars，為香港少有提供演唱會級別專業音響舞台設備的精緻西餐廳。在位處大角咀利奧坊的一號店走過了六年時光，期間完成過千場音樂演出和超過60場浪漫婚禮，參與過婚宴的賓客累計超過入10,000人次。
2024 年盛夏Lost Stars 進駐了 K11 Art Mall，在城市的中心點，位於港鐵站上蓋，連接尖東及尖沙咀站，即使香港天氣多變，表演和派對也可以照常進行，所有賓客可以輕鬆到來，期望藉新店地點便利，可以將Livehouse帶入日常生活，把更多音樂人介紹給這個城市，擴闊藝文的可能性。
服務範疇:
全新 Lost Stars 以五、六十年代北歐家居作為設計概念，打造出如同造訪朋友家般的親切感，是連結所有人的寬倘空間，自在放鬆。
Lost Stars Wedding，分為 Wedding Banquet 及 Wedding Party，因應新人所需所想，彈性調整，度身訂造為你打造獨一無二的婚宴風格！
Lost Stars Wedding Banquet，可容納約 80人；Lost Stars Wedding Party 容納約150人，除融合了餐廳和表演舞台，亦是一個設備完善的空間去舉辦各種派對和婚禮。不但地點方便，配置專業，室內設計更融合復古風格，氣氛溫暖動人。
Lost Stars的音響設備、燈光、場地佈置素來講究，新店音響選用法國專業音響品牌L-ACOUSTICS，令音色發揮出溫暖圓潤感，牆身使用高密度吸音棉，再用木條製作出凹凸面，讓聲音的回彈更顯流暢，以帶來更多動人的現場演出。
佢哋嘅service係all round咁包咗好多嘢嘅，我哋預算嘅人數都唔…
我哋係喺婚展偶然見到Lost Stars嘅booth，見到佢有同一間deco公司合作嘅package，之後就去了解咗佢哋嘅服務。其實我本身都無諗過要行西式架，都已經喺第二間中式嗰度落咗訂，但係見到Lost Stars就萌生咗想行西式嘅念頭🥰。
佢哋嘅service係all round咁包咗好多嘢嘅，我哋預算嘅人數都唔多，所以佢哋容納嘅人數都接近我哋嘅預算，對於我哋嘅budget同想要嘅style嚟講都係幾適合嘅。老闆Nattie都有同我哋解釋想點樣做呢個婚宴，雖然佢哋唔係做咗好長時間嘅婚宴，比其他中式餐廳做婚宴嘅時間短啲，不過聽完Nattie解釋埋場地嘅運行、佢哋對於食物同音響嘅要求、搞event嘅經驗，俾到信心我哋夫婦，所以婚展當日就即刻決定揀佢哋啦👍🏻。
其他同事follow up嘅時候會俾我睇下之前其他婚宴嘅相，睇下成個場地嘅layout要點排。平時我哋有咩問題都會whatsapp佢哋，佢哋好快覆message。之後我哋帶屋企人去試菜嘅時候都係有live show嘅，感受到嘅氣氛係點，因為big day當晚我哋會有相熟嘅朋友表演，試菜時可以想像我哋婚宴都會好似咁樣嘅party形式，又可以知道啲食物quality咁好就更加肯定到，覺得呢個真係我哋想搵嘅地方啦🥰。
我哋揀咗佢哋西式buffet晚宴包場服務，個package包咗100位西式dinner buffet，有六款主菜四款小食，仲有啲紅白酒同汽水、wedding mc、一個真嘅結婚蛋糕，decoration嗰邊就包晚宴嘅裝飾佈置、一條婚紗、新娘花球，新郎襟花、伴郎伴娘襟花、一套首飾同一套回禮禮物，所以我唔洗再煩其他啦，就照每個item揀返想要嘅style，例如蛋糕口味同菜式嗰啲，大部分嘢都可以經過佢哋解決晒啦😇。
我哋嘅賓客有大概140位，big day前都好擔心坐嘅問題，我哋安排咗差唔多80個可以坐嘅位，讓晒俾長輩坐，咁其他人就係行行企企咁，都會擔心啲朋友會唔會好似方便。不過Lost Stars嗰邊俾我哋睇過之前其他新人喺度擺180人嘅相，我哋覺得係鬆動嘅，之後去到當日我哋都發現係真係唔會迫嘅，大家係會去攞嘢食同去吧台攞嘢飲咁，又圍埋一齊傾下計，氣氛反而係好輕鬆，所以座位真係唔係好大問題嘅😆。不過長輩一開始就有少少微言嘅，因為佢哋去開啲中式晚宴，對啲座位表唔係一圍圍咁好唔熟悉，又會提出可唔可以加啲位咁。我哋傾嘅時候都有定好啲位要點坐，所以除咗我哋前台嘅兄弟姊妹，啲staff都會幫手疏導下啲長輩，照顧佢哋。
不過我覺得Lost Stars嗰邊一開始就可以同新人講下座位嘅問題，因為我哋本身對於佢哋嘅floor plan唔係好熟悉，婚展嗰日聽佢哋介紹主要集中喺佢哋個package會包啲咩，佢之後再解釋返我哋先知big day嗰日嘅場地要有啲咩expectation，因為佢哋嘅場地都唔係好大嘅，有啲坐嘅位置會望唔到個台，所以對於其他新人對場地嘅expectation，佢哋都要解釋得好清楚啦，即係party形式就係有啲人要企嘅。不過我哋夫婦嘅朋友就覺得個場好正好free，氣氛好輕鬆，賓客好enjoy嘅，我同老公可以成晚喺個場遊走，唔會好似平時嗰啲離得好遠傾唔到計咁🥳。
第二日我哋就即刻去咗佢哋個場睇下，一去到已經覺得佢哋嘅場好特別，我同太太都好鍾意。所以睇…
我哋開頭都無特定想搵邊間擺酒嘅，但係就唔係好想搵傳統嘅酒樓酒店嗰啲。睇過幾間都唔係好啱心水，之後19年2月去咗婚展見到Lost Stars，我太太一睇到就好鍾意。佢哋嘅環境同價錢都好吸引，又適合我哋擺嘅人數，所以就揀咗佢哋喇😍。
第二日我哋就即刻去咗佢哋個場睇下，一去到已經覺得佢哋嘅場好特別，我同太太都好鍾意。所以睇完又即刻返去會展同佢哋簽約喇。😎 佢哋嘅環境同氣氛都比較適合西式少少嘅婚禮，令到大家都有種舒適嘅感覺。同埋會比較著重新人同賓客嘅互動，因為如果個場太大或者太空就做唔到呢樣嘢喇😉。
嘢食方面就定咗係西式嘅素食buffet，因為我太太係佛教徒嚟嘅，咁就希望我哋嘅婚禮都唔會殺生。我哋簽約前都有問Lost Stars嗰邊，其實都預咗係無素食menu嘅，本身諗住睇吓可唔可以加啲錢轉素食咁。點知佢哋喺呢方面好配合，話佢哋都未試過整素食，想嘗試下，所以我哋就一拍即合喇! 🤣 佢哋特登為我哋整咗個素食menu出嚟，好為我哋著想🥰。我哋就包咗佢哋lunch同dinner由兩點半去到十一點嘅場，lunch有60人，dinner就有170人。其實我覺得佢哋個場for 150人係最理想嘅，但係就算我擺到170人，聽返啲賓客嘅comment都唔係太差，唔會覺得迫。
我個package仲有包埋live band，佢哋會令到成個場都好活躍。啲賓客都話未試過去咁樣形式嘅婚禮，覺得好正，可以一路聽歌一路周圍行下跳下舞咁，氣氛好輕鬆自由😆。
Big day當日現場in charge嘅有兩位同事Krystle同Alvis，主力幫手搞我嘅婚禮嘅，佢哋真係好幫到手。Krystle仲做埋我夜晚場嘅MC，算係個package入面包埋嘅服務，我真係好滿意。👍🏻 Alvis就負責主理成個環境同流程，可能平時有啲嘢要兄弟姊妹幫手做嘅，佢都已經幫手處理好晒。佢哋嘅service team直頭好似做埋我嘅兄弟咁，令到我都好安心😊。就算我未介紹Lost Stars俾其他朋友，佢哋都已經主動問我個場喺邊度搵到嘅。我就直接pass咗Lost Stars嘅Marketing Director Nattie嘅聯絡資料俾佢哋，叫佢哋自己去聯絡喇。😆
我覺得年青啲嘅新人就會比較適合喺佢哋嗰度舉行婚禮，同埋最緊要屋企人都接受到，因為我哋一開始揀都係會擔心屋企人。我哋擺西式buffet，會擔心老人家會唔慣，因為佢哋慣咗係一味味餸咁上。但係Lost Stars嘅serve team就會幫手招呼比較年長嘅賓客，幫佢哋拎埋嘢食，唔洗自己走動得咁多👍🏻。