2015年，法國創意企業家Amélie Huynh深受巴黎這座魔幻城市的啟發創立Parisine，品牌靈感以法國作家Nestor Roqueplan 自創法語代名詞「Parisine」 命名-----「巴黎難以捕捉的氣息」。Parisine決定透過精緻的香氛分享巴黎的本質，希望透過芳馥香氣將巴黎文化的精髓分享給全世界。
Parisine雲集多個法國百年經典傳奇香氛品牌Nogara、Jean Giraud Fils、D'orsay、E.Alziary、F.Millot等，為您帶來一系列精緻細膩的香氛產品，涵蓋彰顯個人品味的香水、室內香氛、香氛洗護、電子香薰機以及充滿法式浪漫的馥香婚禮服務。更首創Perfume Bar個性化訂制香水，致力於以法式的芳馥香氣為生活每一個角落注滿典雅韻味。
3種法式馥香婚禮服務
1. 法式調香香水吧：香氛顧問現場為賓客度身訂造Nogara個性化香水，為婚禮增添互動樂趣
2. 個性化芳香回禮：為新人預先訂製「婚禮專屬香調組合」，讓每位賓客都收到甜蜜的香氣回憶
3. 場地香氛佈置：讓婚禮現場瀰漫浪漫芳香，四溢香氣締造充滿法式風情的氛圍，透過香氣將回憶烙印在賓客的心中
AWARDS
整個過程我主要同Maxine同Alvin溝通，佢哋回覆都好快，感覺好有禮貌又好Nice，佢解釋嘅時候到底可以㨂乜款，同埋價錢嘅內容都解釋得好清晰，佢哋會係Big…
一開頭我有去過幾個都有提供香水吧嘅舖頭，都有幾個選擇，但我就覺得Parisine嘅香水好香，而且好持久，而價格都可以接受，所以我就㨂咗Parisine。😃
整個過程我主要同Maxine同Alvin溝通，佢哋回覆都好快，感覺好有禮貌又好Nice，佢解釋嘅時候到底可以㨂乜款，同埋價錢嘅內容都解釋得好清晰，佢哋會係Big Day當日帶曬所有嘢一齊過嚟，朋友見到香水吧，都話感覺好靚，而且都好玩👍，大家覺得香水都好香，而且都可以㨂自己鍾意嘅味道。
因為我當日都好忙，所以就無乜參與香水吧嘅環節，但聽到朋友嘅回饋都係好正面，係一開頭我會㨂幾款我自己鍾意嘅味，預訂咗100-200支，如果朋友當日拎唔曬，佢剩番嘅香水佢都會整成我鍾意嘅香水味道俾番我，整體我都好滿意佢哋表現。🥰
多謝你哋喜歡我哋嘅香水吧服務，最緊要當天賓客都可以享受其中嘅制作過程，又拎嚟滿意嘅成品!😊
疫情嘅緣故我哋推遲咗婚禮，第一次搵Parisine嘅時候已經係兩年前。當時有香水吧嘅回禮公司真係唔多，我印象中淨係喺婚展見到兩間。咁我同Parisine職員講試吓當我係婚禮嘅賓客，問佢哋會點樣呈現返調製香水或者成個過程俾我睇。從介紹講解我都覺得佢哋係比較專業嘅，尤其係香水師佢對前中後調嘅解釋都非常之清晰，可以營造到一個好grand嘅感覺。我就比佢吸引咗，而且見金額都唔係好大，費事拖拖拉拉，於是乎一次過就俾咗錢。成個過程入邊佢哋都唔會逼你決定，只係盡嘅責任介紹返package。
🤔 後來遇上疫情，正常情況改期要加錢，但係佢哋好體諒新人都會幫我哋wave咗。package額外送兩支香水，上到去佢哋舖頭，同事一如既往地好熱情，會介紹受歡迎嘅combination俾我哋。如果當日有賓客揀中預先調配嘅combination，就唔需要再溝來溝去，成個過程都順暢啲。😚不過如果佢哋喺人數同埋香水車嘅安排上可以有多少少彈性就好，以我所知佢哋無論係買幾多支香水都好，都係派同相同人手同車。當賓客數量越多就未必可以應付場面，一嚟辛苦同事，二來賓客見到咁長龍都未必想排隊。不過我request加多1個人幫手，佢哋公司都配合到。
🥰香水除咗味道上可以客製化，連樽身、絲帶都可以，絲帶顏色嘅選擇有好多，就連字體都可以選擇。我哋當初仲有考慮過用英文名定係聖經經文，只要唔係太長都ok，同事好快就整到一啲絲帶嘅sample俾我哋睇。🙈 Service hour係四個鐘，唔計set場由4：45開始運作，大概到8：15完。如果8:15仲有賓客會盡量完成埋剩低嘅事情先。不過我後來聽賓客反映佢哋8點幾都繼續做緊，冇收攤嘅打算，可能係見到賓客好熱情，所以好主動ot，甚至都冇專登喺我哋面前提起，可以感受到佢哋對工作嘅熱誠。
😎姊妹係最先體驗香水bar服務嘅人，佢哋都大讚話同事好友善，相處得好愉快。最後剩返大概13支左右，同我預計嘅數量都差唔多，嗰13支香水係可以調配返我當初揀嘅香水味。
😉 總括而言，我覺得如果你哋係想搵啲特別少少嘅回禮禮物，Parisine絕對係一個好好嘅選擇。我自己就唔鍾意人哋用過嘅橋，所以茶包、曲奇、甜品、印自己個樣上去嘅product都比我ban晒。佢哋特別之餘仲好細心，產品同服務方面都比到好專業同好Grand嘅感覺我，真係值得一讚。💯
我地都明白新人們都希望可以送一份特別的禮物俾賓客們, 當中用心的設計可以令賓客滿意, 貼心又獨特, 好多謝你們對Parisine的支持, 祝你們新婚快樂😊