當時我喺婚展同Parisine嘅職員傾嘅時候，佢哋嘅職員好細心咁解答我所有問題❤️。加上我覺得價錢合理，同埋佢哋嘅counter比起其他公司裝飾得更加靚，所以吸引到我🤗。我就係Parisine買咗整香水bar同埋整回禮禮物🎁。

Package中香水有一半係我哋自己揀，另外一半係親戚朋友喺婚禮當日自己喺香水bar整想要嘅香水作回禮禮物。所以我都上咗佢哋嘅studio逗留咗好耐揀香味，大概都有一個鐘頭，佢哋啲Staff都好有耐心👍🏻。而Parisine嘅香水有木香，有花香，又有果香，都有好多唔同嘅選擇🥰。

Big day當日佢哋都好配合，準時到場，即使我想改動佢哋都好快配合到，講得出有做得到，唔會有甩漏💯。我哋pre-set嘅香水味道我啲親戚朋友都話好鍾意，而當日嘅香水bar來賓都玩得好開心😚，香水bar有各八種前調同尾調選擇，等親戚朋友可以自由組合，唔使咁悶可以玩下😝。同埋揀好組合嘅香水味後，佢哋唔需要企喺度等，會有一張好似點心紙嘅紙仔，佢哋✔️好之後俾現場嘅Staff，過一陣返去拎就得，整個流程安排得好好。另外，我覺得佢哋嘅售後服務都好值得一讚，WhatsApp覆得好有禮貌🤗！