位於海港城的意大利餐廳 Paper Moon，融合現代簡約設計手法於工業風當中，營造出時尚又溫馨的用餐氛圍，讓賓客猶如置身米蘭的時尚和愜意之中。落地玻璃窗映照出醉人的維港景色；設有半開放式私人用餐區及貴賓室，為賓客提供私隱度；佔地近二千尺的露天陽台，可飽覽270度無敵海景，海天一色盡收眼簾。 夕陽映照下，在露天陽台與摯愛許下愛的誓言，接受親友的祝福，感受幸福降臨的喜悅。夜色漸濃，在典雅的意式氛圍中盡情享受意大利美食和美酒，寫下人生中最美好的一頁。 Paper Moon絕對是您理想的婚宴場地之選。
佢吸引我嘅地方係座位安排，因為果陣疫情一般酒樓酒店都要限住2人1檯，好多親戚都見唔到大家。但係因為佢哋餐廳只要唔坐滿一半就ok，所以可以4人一檯，隔一隔膠板，等大家都見…
我當初係好遲先決定擺酒，不過都係諗住同親戚食餐飯，唔係諗住大搞。🤔我係Bespoke依度見到Paper Moon覺得唔錯，於是就message佢。😆
佢吸引我嘅地方係座位安排，因為果陣疫情一般酒樓酒店都要限住2人1檯，好多親戚都見唔到大家。但係因為佢哋餐廳只要唔坐滿一半就ok，所以可以4人一檯，隔一隔膠板，等大家都見到面。😬我睇完detail之後就好快簽約，跟住就有個同事follow我哋。一般酒樓、酒店會為婚宴提供嘅嘢佢哋都會做到。😉同埋我覺得佢哋嘅彈性都幾高，雖然係set lunch但係可以加湯，又可以轉pizza。有賓客唔食得蛋，又有賓客食素，佢哋會專登客製化新menu。👍🏼我一開始以為會唔夠食，點知好多賓客都話好飽，反而最後d甜品食唔曬。🤣佢哋嘅feedback大部分都好好，係話湯有少少油。
另外都想比返少少意見，都係同set lunch有關。🧐因為set lunch main course有分魚同牛，我落咗單一段日子先主動問起Paper Moon會點安排，佢哋先答我需要我自己詢問賓客要咩先。所以我覺得佢哋嘅staff可以預早同新人講定，等我唔洗咁手忙腳亂，但係總括來講佢哋嘅服務態度都係好好。
除左食飯之外我都有用佢哋嘅戶外場地做證婚，12:30開始證婚，我10:30就可以set場，然後就1:00-3:00食lunch，時間都好充裕。🍽️仲有就係佢哋餐廳嘅環境都唔錯，可以去餐廳上面平台影相，海景都係幾靚嘅，唔會比高樓大廈遮住。📸
多謝你的支持和建議，我們亦會不斷進步希望能做到盡善盡美💪，祝你地新婚快樂💗
我係Paper Moon果度搞左一個大約係20幾個人嘅小型婚禮，咁就係戶外簽紙然後入返室內食lunch。因為疫情關係我地就諗住擺酒就之後先補返，先搞一個簡單嘅簽紙儀式然後食餐飯，淨係請屋企人見證下，盡量從簡。🧐咁我都唔想大家要走兩個地方，所以見Paper Moon可以分室外證婚，室內食飯，就覺得可以一個地方搞晒幾好，而且佢個景觀唔錯、價錢合理於是就揀咗佢哋。😉雖然我係冇包場嘅，但係餐廳都有間一個area比我，一開始佢地建議係偏向尾嘅位置近返證婚果度，但後來我希望係中間位光猛d，咁餐廳都照幫我安排到。😇大部分我提出嘅要求餐廳都唔會拒絕，而且Event嘅同事都好幫得手，回覆得好快，本身果陣政策係只能比20人係一個area，所以就安排左另外幾個人係簽紙嘅時候留係室內地方睇，不過個位置都好近外邊嘅，只係隔住塊玻璃咁解，最終我地20幾個人都可以好flexible咁處理。😎由於唔係包場啦，所以餐廳有其他客人嘅，咁餐廳就會盡量安排其他客人係活動進行期間坐遠少少，等完event先安排新入嘅客人坐返去附近。至於lunch方面，我地係set lunch冇特別order菜式，咁我地會預先問定賓客要咩，mark係個seating plan度，咁餐廳就會跟住seating plan派返個set比對應嘅賓客。賓客都覺得好好食而且好夠食，另一半都好滿意。👍🏼而Decoration方面其實Paper Moon都唔會點限制我地，好多都係好open比我地整，indoor outdoor都okay嘅。😬諗起當初疫情好唔stable，啲政策轉來轉去，都係多得Paper Moon嘅Candice幫我諗plan b，就算改期都好好商量，所以真係好感恩可以係疫情下順利進行。🥺
疫情底下新人都要面對好多唔同情況，我地都希望儘我地所能去配合到政策之餘亦都配合到你地，亦都好多謝你地讚賞！😇祝你地幸福美滿🥰