我一開始其實已經係aim望海景嘅餐廳，搞證婚同食個lunch就算。🤣經過Paper Moon嘅時候就入去問下資料，當時見到佢哋嘅staff Candice都已經幾好印象，談吐、禮貌都好好。不過因為第一次係同朋友去，第二次先係同另一半去睇，第二次去睇嘅時候冇掙扎過就即刻落訂了。成個溝通過程都好流暢，後來開whatsapp group都係有咩問題隨便問嘅狀態。😉

佢哋餐廳本身都會提供檯布比reception同埋證婚檯。至於如果想搵其他deco公司的話都好方便，因為網頁有vr睇場好方便，尺寸都可以睇得清楚。🤓而配套方面都ok，不過我覺得佢哋安排嘅新娘房就有改善空間。第一就係好暗，如果可以加返啲燈for新娘化妝就會好好多。第二就係其實果度係用簾間開area比我換衫、化妝嘅，有時啲人經過好似會想掀開個簾咁，所以一定要有人頂住個簾先安心啲。呢樣嘢對於新娘來講真係幾大嘅concern，希望改善下啦。🤔除此之外其他野都非常好，個景就一定無得輸啦，服務都唔錯，而且佢哋餐廳嘅食物質素都高，賓客朋友都有讚無彈，個個都話好好食～😋