我係因為化妝師認識到Pal photography，之後都係婚享會見到其他新人對佢哋嘅comment，啲feedback都好好😆，令我好意外嘅係Pal photography 嘅Joey 可以擔當埋大妗姐嗰part 。嗰陣我睇化妝師嘅相，覺得佢地幫新人影pre-wedding 好落力，啲相都好自然，又靚🌟。我揀咗佢哋嘅Big Day package， 其實都有啲後悔Pre Wedding冇搵佢哋，第一次同團隊溝通嘅時候，都已經有好好嘅印象，因為我覺得溝通到，已經好加分。如果有啲咩疑問，Joey都解答到我嘅疑慮。因為我哋想搵佢地補影一輯靚啲 嘅pre wedding，Joey 仲專登俾咗半日pre wedding package 俾我，可惜最後夾唔到我先生時間，影唔到。因為Pal photography本身係冇半日pre wedding package，時間會太趕，佢都好好，主動幫我諗地點同個package，所以最後影唔到都有啲唔好意思🥹。

喺Big Day之前，團隊都有問我哋拎個rundown嚟睇睇，本身我Big Day個rundown 麻麻地，團隊都有幫我執，如果我有唔明嘅地方，或者有意見，佢哋都解釋返俾我地聽👍。當時外影唔夠時間，Pal photography就建議我地留係酒店影，慳返啲時間，影多啲相仲好。當時Joey 仲check埋 google map， 睇時間同地點，但怕塞車，而上落都係時間， 所以就冇出到去，呢啲細節佢都好留意😙。我book 咗2P1V1A，我覺得團隊嘅合作性好好，好有默契，會互相補位，唔會爭位，仲一齊搞氣氛，令新人放鬆啲，表情都會自然啲。我同先生都好怕搞大龍鳳，所以我地冇擺酒，只係朝早出入門，教堂行禮，冇咩道具，簡簡單單，但佢地拍出嚟，好溫馨好感動🥰。我先生特別讚佢哋剪嘅片，其實條片得5分鐘左右，但剪輯係佢地專業，真係交足功課。我先生話冇諗過段音樂好有驚喜，配得非常好，所以好抵讚，好值得分享✨，佢睇一次，感動一次🥹。Pal photography唔係交行貨，有問有答，俾到信心同專業服務我哋💖。我覺得出相可以再快啲，不過其實Pal photography唔係耐嘅，唔洗兩個月就收到相，不過我見有啲攝影師，即晚已經有highlight俾到新人，如果佢地出快啲，競爭力又會高啲🥳！

我係喺網上認識到呢位女攝影師，Pal Photography嘅風格偏向自然，同埋啲相嘅整體感覺真係貼近我哋想要嘅效果。Pal Photography俾到我哋一種幾專業嘅感覺。喺Big Day前，佢哋會約我哋開會，仔細了解我哋嘅要求，講下當日嘅rundown，同埋邊啲moment需要特別留意或者捕捉。當日攝影團隊準時到場，合作幾有默契，分工清晰，都好有經驗🌟。喺安排大合照嘅時候，Pal Photography會主動協助排下大家嘅企位❤️。敬茶環節，攝影師仲會幫手講啲吉利說話，令到氣氛會好啲，唔會尷尬。溝通方面，我哋都係好feel free去講自己嘅諗法，所以都幾順利。Pal Photography對交相時間交代得好清晰，亦好準時，完全唔洗我哋擔心或者催😆。收到啲相之後，我哋都覺得幾滿意，同我哋預想嘅效果冇落差！