Pal photography團隊做嘢幾爽快，而且成個安排好有條理，俾人一種好有經驗、準備充足嘅感覺🌟。所以我哋將Pre-wedding同Big Day都交咗俾佢哋。由初期溝通到正式拍攝之前，團隊都會主動了解我哋嘅喜好同想法，唔係一味用佢哋自己嘅模式，而係真係聽我哋想要啲乜。到拍攝當日，Pal photography亦都會清楚指示我哋點樣擺pose、邊啲位需要注意，所以基本上我哋都唔洗自己諗太多，成個過程都幾輕鬆💕。其中一個比較深刻嘅地方係，當時我哋嘅時間其實都幾趕，而 Pre-wedding 又啱啱撞正接近打風嘅日子。團隊一早就已經幫我哋諗定 backup plan，例如如果戶外拍攝受影響，就可以即時轉去 studio，成件事都安排得好有條理，唔會亂曬龍。呢種事前準備真係令我哋安心好多，唔洗我哋自己擔心有咩突發情況會發生😋。

到咗 Big Day 當日，整體氣氛都幾愉快。攝影師同團隊都好有耐性，特別係安排長輩企位同影相嘅時候，同事都會慢慢解釋同指示，唔會急。無論係 Pre-wedding 定係 Big Day，兩次拍攝嘅感覺都好舒服又順利，冇乜壓力。除咗拍攝本身，佢哋亦都有參與我哋 run down 嘅討論，會提供一啲實際又有用嘅建議，幫手諗點樣令rundown更順利、細節位點樣可以處理得更好。呢啲地方我覺得幾加分，感覺Pal photography唔單止係負責影相，而係真係會站喺新人角度去諗成件事。最後收到相嘅時候，我哋都覺得效果同一開始嘅期望好一致，畫面自然，亦都好貼合拍攝當日嘅氣氛☺️！