喺活動上見過Oliver，之後上網睇過新人畀佢嘅評價都幾正面，又睇過佢主持嘅片，覺得佢比較幽默，服務亦都好多元化，所以就請佢做我哋婚禮嘅司儀。一開始喺 WhatsApp問佢資料，之後婚禮前都有約過幾次見面，覺得佢為人好 nice，所以除咗司儀服務，我哋都揀咗佢嘅扭氣球package。

籌備婚禮嘅過程中，喺我哋一頭霧水嘅時候，Oliver會憑住佢豐富嘅經驗為我哋提供好多專業意見，仲比咗啲時間表比我哋參考。佢仲好樂意提供啲同佢服務範疇無關嘅資料比我哋，仲教我哋點樣揀攝影師同埋化妝師。Oliver甚至陪埋我哋去婚禮展覽，根據我哋嘅要求推薦一啲場地或者酒樓比我哋，佢真係好好。因為有Oliver，我哋嘅婚禮籌備過程都好順利。

婚禮嘅當日，雖然Oliver係我哋晚宴嘅主持，但係佢喺我哋早上出門之後，就已經過咗嚟幫手，而且仲冇額外收費。Oliver係一個好細心，又唔會斤斤計較嘅人。佢會好仔細記錄我哋想同大家分享嘅相識過程，又會問我哋有無啲位係唔想分享，咁佢就避開唔會講，好重視我哋嘅意願，從呢啲細節都令我哋覺得佢好專業，諗得好細緻。其中印象比較深刻嘅係，我哋喺婚禮開始前同攝影師開會，Oliver都同我哋一齊參與，鼓勵我哋去表達自己嘅想法畀攝影師。其實，好多都唔係佢職責範圍內嘅事，但Oliver都好樂意幫手，而佢主持嘅婚禮，整個氣氛都好開心，完全唔會悶場。佢唔似其他主持咁，講啲爛gag或者鹹濕笑話，而係會喺啱嘅時候講一啲適當嘅說話來keep著整個熱鬧嘅氣氛。當晚仲有朋友即刻問我要佢嘅聯絡方式。

我上網睇過Oliver嘅自我介紹，對比其他mc之後，我覺得Oliver嘅外貌比較出眾。☺️ 我係用電話message聯絡 Oliver，之後我哋就約出嚟 face to face 傾啲細節，溝通過程中Oliver都好有經驗，👍對於籌備婚禮或者MC嘅工作安排都好熟悉，最重要嘅係當時我有好多疑問，Oliver都好有耐心解答我哋問題。💯 佢都會聽吓我哋嘅愛愛情故事，我覺得故事細節呢項都幾重要，因為MC可能會比較容易投入到嗰情緒，亦都會同我哋商量成個rundown流程係點排，會俾好多意見我哋。🎉

我覺得Oliver好貼心，❤️會事先同我哋傾過有冇邊啲比較sensitive嘅話題唔希望佢提到嘅，擔心影響整個婚禮嘅氛圍。有時候我哋諗唔到嘅嘢，佢都會考慮到。💯 Bigday前一晚，新聞就預告可能會打8號風球，佢都有同我double comfirm，擔心有任何變動，同埋confirm返需要幾點到場嘅。咁 Bigday 當日，Oliver 都好早到場準備好自己。☺️

整體其實Oliver嘅表現好好，聲線都俾人感覺好舒服，🥰會帶動到大家投入氣氛入邊，賓客都feedback話呢位 Mc好好啊，好Funny，😄吸引到大家，成個流程係完全跟足rundown行嘅，冇delay亦都好順利結束。🥳而且咁啱我有啲朋友都認識Oliver，見到佢哋有傾下計，原来世界咁小。😂 大家都好開心，我太太都話對Oliver嘅表現同服務都好滿意，如果有朋友結婚我都會介紹Oliver俾佢哋認識！💯