我哋同Oliver溝通嘅過程非常順利，佢解釋嘅內容好清楚，仲會好主動咁同我哋聯絡，提早提醒我哋啲需要注意嘅事項，令我哋有足夠嘅時間準備😍。喺相處上，佢真係好nice，每次我哋有問題，佢都好樂意幫手解答，而且會好詳細咁講解，令我哋唔會有任何疑問。佢仲會主動follow我哋嘅進度，咁我哋就唔洗擔心有咩會做漏😗。 佢覆message都好快，感覺好supportive。Oliver會根據自己過往嘅經驗同場地情況，俾好多實用建議我哋，例如係時間安排同一啲注意事項😚。

Oliver係一個好細心嘅MC，佢會提前問我哋有冇啲特別嘅故事或者相識經歷要分享，佢仲會用記事簿記低啲問題，睇得出佢好認真咁準備🤪。我哋都幾滿意當日Oliver嘅表現，雖然有啲突發狀況發生，例如係圍數唔夠或者客人遲到，但佢都好快處理好，仲會主動同場地嘅經理溝通。好多情況Oliver都可以靈活咁處理，令成個場面唔會混亂，完全可以hold得住個場🥳。親戚朋友都讚佢嘅表現，大家都覺得佢好有經驗，講嘢得體，氣氛輕鬆，又唔悶。佢仲會俾啲心理準備我哋，提前同我哋講一啲可能會發生嘅情況，令我哋唔會因為突發事件而感到緊張。Oliver真係幫咗我哋好多，佢嘅專業態度令我哋完全冇壓力，成晚都好放鬆，唔洗擔心會有咩問題😝。 

我覺得Oliver係屬於搞笑幽默嘅類型，而我自己都鍾意搞笑啲嘅😆，所以就揀咗佢。其實揀Oliver除咗係因為佢夠幽默之餘，佢嘅價錢都係合理，within我嘅budget🌟。我覺得Oliver好細心，做嘢好有計劃，佢會安排好曬meeting嘅時候要問啲咩， 可以更加好咁樣準備講稿同婚禮嘅流程，真係做足功課💕。雖然Oliver平時好幽默風趣，但做嘢嗰陣就非常認真，我都幾欣賞佢呢一點，認真時認真，風趣時風趣。所以Oliver俾我哋嘅感覺都好穩陣，好放心交俾佢，而且相處上都幾舒服，有啲咩問題我哋都會直接問佢👍。

Oliver會連一啲細節都準備得好充足，佢會問我哋好多細節，例如係新郎當日著咩色嘅西裝，佢會特登避開撞色嘅情況🌟。因為我有參加過一場婚禮，司儀著嘅西裝同新郎嘅西裝撞咗色，咁就有啲尷尬同搶風頭。佢仲會主動問有冇敏感嘅話題需要避開，例如係生小朋友、宗教信仰呢啲話題，有啲係我哋自己都冇諗過，但佢都幫我哋諗得好周到，睇得出Oliver經驗非常豐富，都好推薦比其他新人💯。

Big Day當日，Oliver仲緊張過我哋🤣。佢會搵兩個話到事嘅兄弟姊妹幫手處理啲細節，咁就唔需要下下都搵我哋花時間去討論一啲細節，所以Oliver好醒目咁樣幫我哋安排曬啲嘢🥰。其實Oliver仲係一位魔術師！喺婚宴開始前，佢會搵啲賓客一齊做啲小型魔術表演，有啲互動會令到氣氛熱鬧啲😙。仲有一個特別嘅 moment 就係Oliver用我哋嘅相，為我哋準備咗一個魔術表演😚。另外，Oliver嘅幽默感掌握得啱啱好，講嘅笑話唔會過火或者令場面尷尬，所以我嗰日都好開心😝。 而且，佢準備嘅稿，全部都係根據我哋meeting嘅時候問嘅問題去寫，我覺得好神奇，冇估到佢會咁樣去演繹同表達出嚟😆。