我係經朋友介紹認識 Oliver Lee，所以就搵咗佢做婚禮司儀加魔術師。 Oliver 俾我嘅第一印象係幾nice，亦都好helpful。喺Big Day之前，Oliver 同我哋開咗兩次會，佢會主動了解我哋嘅背景，例如我哋點樣識、同埋婚禮當日有冇啲特別需要注意嘅地方，都幾專業同細心😝。 Oliver 亦都係一位有經驗嘅MC，會俾啲意見同feedback我哋。佢仲會主動問我哋一啲細節，提醒我哋準備咗啲乜嘢未或者考慮咗啲乜嘢未。

當我哋有問題問佢嘅時候，Oliver 會根據自己嘅經驗，俾返啲意見我哋😆。對於我哋呢啲準新人嚟講，呢點幫助好大，因為準備Big Day嘅時候我哋真係好忙，啲嘢真係會好容易唔記得🥹。事後有啲朋友提到，Oliver 都幾有趣，現場氣氛都好好，佢會同啲賓客互動，喺席間表演魔術，事前又會問我哋拎一啲魔術嘅素材。如果有朋友需要司儀，我都會推薦 Oliver🥰。

其實我都有看過其他司儀，但比較過之後，最後決定選擇 Oliver，主要係因為佢有魔術嘅專長，係一個比較特別嘅地方。記得第一次見面討論Big Day rundown嘅時候，雖然我哋嗰陣個rundown仲未完全set好，但佢都好主動咁幫我令成件事可以smooth啲👍。之後嘅溝通都好順暢，佢都回應得好快，做嘢都好負責任。Oliver真係令我完全唔洗擔心，我都好放心將嘢交俾佢處理，根本唔洗再追問咁多嘢😙。 而且Oliver份人都幾隨和，所以開會嘅時候都好輕鬆，我哋都可以隨便提出要求🌟。

特別喺準備嘅時候，Oliver會主動了解我們嘅相識背景。有一件事我覺得佢做得幾好，就係佢會特別問我當日有冇啲要注意，例如係有啲話題唔提得咁樣，呢啲細節令我覺得佢諗嘢真係好周全。 Big Day當天，Oliver嘅魔術做得幾好，都照顧到啲老人家，又增添咗啲氣氛💯。身為新人，我自己其實都好放心將成件事交俾Oliver❤️。我覺得佢完全不會搶咗新人嘅風頭，始終婚禮都係新人要突出啲😝。Oliver仲會用我和我老公嘅相去變一個魔術，呢啲細節令到我哋好開心，感受到佢真係好用心，會諗吓點樣配合返我哋個婚禮💖。

有個地方可以改善就係Oliver提到有甜品嘅時候，可能太遲先講，令到啲賓客提早走咗， 因為佢哋唔知道有甜品，如果可以提前講，就會更加好✨！