其實我都有看過其他司儀，但比較過之後，最後決定選擇 Oliver，主要係因為佢有魔術嘅專長，係一個比較特別嘅地方。記得第一次見面討論Big Day rundown嘅時候，雖然我哋嗰陣個rundown仲未完全set好，但佢都好主動咁幫我令成件事可以smooth啲👍。之後嘅溝通都好順暢，佢都回應得好快，做嘢都好負責任。Oliver真係令我完全唔洗擔心，我都好放心將嘢交俾佢處理，根本唔洗再追問咁多嘢😙。 而且Oliver份人都幾隨和，所以開會嘅時候都好輕鬆，我哋都可以隨便提出要求🌟。

特別喺準備嘅時候，Oliver會主動了解我們嘅相識背景。有一件事我覺得佢做得幾好，就係佢會特別問我當日有冇啲要注意，例如係有啲話題唔提得咁樣，呢啲細節令我覺得佢諗嘢真係好周全。 Big Day當天，Oliver嘅魔術做得幾好，都照顧到啲老人家，又增添咗啲氣氛💯。身為新人，我自己其實都好放心將成件事交俾Oliver❤️。我覺得佢完全不會搶咗新人嘅風頭，始終婚禮都係新人要突出啲😝。Oliver仲會用我和我老公嘅相去變一個魔術，呢啲細節令到我哋好開心，感受到佢真係好用心，會諗吓點樣配合返我哋個婚禮💖。

有個地方可以改善就係Oliver提到有甜品嘅時候，可能太遲先講，令到啲賓客提早走咗， 因為佢哋唔知道有甜品，如果可以提前講，就會更加好✨！

喺活動上見過Oliver，之後上網睇過新人畀佢嘅評價都幾正面，又睇過佢主持嘅片，覺得佢比較幽默，服務亦都好多元化，所以就請佢做我哋婚禮嘅司儀。一開始喺 WhatsApp問佢資料，之後婚禮前都有約過幾次見面，覺得佢為人好 nice，所以除咗司儀服務，我哋都揀咗佢嘅扭氣球package。

籌備婚禮嘅過程中，喺我哋一頭霧水嘅時候，Oliver會憑住佢豐富嘅經驗為我哋提供好多專業意見，仲比咗啲時間表比我哋參考。佢仲好樂意提供啲同佢服務範疇無關嘅資料比我哋，仲教我哋點樣揀攝影師同埋化妝師。Oliver甚至陪埋我哋去婚禮展覽，根據我哋嘅要求推薦一啲場地或者酒樓比我哋，佢真係好好。因為有Oliver，我哋嘅婚禮籌備過程都好順利。

婚禮嘅當日，雖然Oliver係我哋晚宴嘅主持，但係佢喺我哋早上出門之後，就已經過咗嚟幫手，而且仲冇額外收費。Oliver係一個好細心，又唔會斤斤計較嘅人。佢會好仔細記錄我哋想同大家分享嘅相識過程，又會問我哋有無啲位係唔想分享，咁佢就避開唔會講，好重視我哋嘅意願，從呢啲細節都令我哋覺得佢好專業，諗得好細緻。其中印象比較深刻嘅係，我哋喺婚禮開始前同攝影師開會，Oliver都同我哋一齊參與，鼓勵我哋去表達自己嘅想法畀攝影師。其實，好多都唔係佢職責範圍內嘅事，但Oliver都好樂意幫手，而佢主持嘅婚禮，整個氣氛都好開心，完全唔會悶場。佢唔似其他主持咁，講啲爛gag或者鹹濕笑話，而係會喺啱嘅時候講一啲適當嘅說話來keep著整個熱鬧嘅氣氛。當晚仲有朋友即刻問我要佢嘅聯絡方式。