Mc Oliver為人好好👍🏻，我哋未落訂，已經感受到佢嘅熱心，加上佢嘅風格係輕鬆風趣幽默型，靠佢炒熱婚禮氣氛唔會有錯🤣。最重要嘅係Mc Oliver收費好清晰，明碼實價，絕對冇附加費，唔會令人confuse🤩。 當初未落訂嘅時候，我哋都問咗Oliver好多問題🙈，佢都不厭其煩咁答我哋問題，又比咗好多意見我哋rundown應該點樣安排！我真係好欣賞佢嘅attitude，無論係溝通定係婚禮細節嘅安排，佢都細心講解。有時候我哋諗唔到嘅嘢，佢都可以比到idea我哋，呢一啲我相信係其他MC比唔到我哋嘅服務😍。

我哋覺得Oliver 真係好professional💯，令我哋覺得好安心將婚禮交俾佢💕。因為我哋其實冇太在意影相嘅環節，同佢傾過先知道，呢一個環節有好多嘢需要注意。Oliver 會share佢之前主持唔同婚禮遇過嘅情況，例如一啲親戚或者長輩去影相嘅時候會比較扭擰，容易浪費啲時間，會影響整個婚禮流程。我哋聽到佢嘅分享先恍然大悟💡，令我哋明白到影相環節唔係真係簡單有個名單就可以容易解決到🤣。

去到婚禮當日，Oliver 講我哋嘅愛情故事係用咗佢輕鬆有趣嘅方式呈現出嚟，令我哋好有驚喜，俾人嘅感覺好新穎😍，親戚朋友都聽得好投入🥳。 另外，Oliver 真係幫我哋拆掂咗好多嘢🙏🏻，又會氹到老人家好開心。而且佢仲識得處理唔同人嘅要求👍🏻，應變能力好強，令我哋影相嘅環節可以好順利咁樣完成👏🏻。

MC Oliver係個性格outgoing、唔會怕怕醜醜嘅人，做到身為MC應該要有嘅專業素養💯。一開始同MC Oliver溝通已經覺得佢係一個有禮貌嘅人，唔會催促我哋回覆message，唔會有催促住我哋要搵佢嘅感覺，係我哋有需要搵佢嘅時候，佢再向我哋有詳細嘅講解😍。

我哋落咗訂之後就開始面對面溝通。初初見面已經覺得佢好好笑容😁，令我哋交談之間唔會太過拘謹。佢都樂於溝通💕。咁啱我哋當面傾嘅地方就喺我婚場嘅附近。我哋傾完，佢就提議我哋可以帶佢上去睇吓個場地，佢同嗰邊嘅經理再溝通一下，為我哋打點好一切🥰。

MC Oliver成個表現都好幽默，台詞好搞笑🤣，次次佢講完嘢，下面嘅觀眾都會比反應，可以帶動到氣氛💪🏻。佢仲好細心❤️，會預先問定有啲乜嘢佢係方便講或者唔方便講，又會問我哋嘅故事係點樣👍。

到咗當日佢的確係預先講好嘅講嗰套，就係做嗰套，轉述我哋相識嘅故事都講得恰到好處😁。仲會幫我哋睇住啲時間，幫我哋掌控每個環節嘅時長，代替我哋同酒店經理反映。MC Oliver都好俾心機💕，講完嘢唔會話要即刻走。佢唔單只係我哋嘅MC，佢仲係我哋嘅隱藏cam man🤣。第二日佢send咗啲佢影低嘅相同片俾我哋🤩。