Mc Oliver幫得手到啲兄弟姊妹都唔使跑來跑去，做太多野😂。 我係搵咗六至七個MC，最後先選擇咗Mc Oliver。由於我想搞嘅婚禮係簡約啲嘅，唔會有成長片段，同平時其他人嘅婚禮係唔同嘅。有四、五個MC唔係我唔揀人，係佢哋拒絕我，因為佢哋做開傳統婚禮嘅主持模式，唔想做呢嘅婚禮狀態，可能係覺得冇故事要佢哋present，佢哋唔識得主持咁樣嘅婚禮。有啲MC係我傾落覺得唔係我想要嘅風格 😎。 但係Mc Oliver好爽快，覺得咁樣嘅主持模式比傳統婚禮更加易做，亦都立刻應承咗🥰。而且佢都好Nice，因為好多MC都鍾意用電話去溝通，但係我由於工作關係比較難用電話傾。Mc Oliver都好願意遷就我，同我用WhatsApp傾😍。

Mc Oliver都比到好多意見我哋，變相我哋唔需要再喺坊間搵一啲資訊，佢已經可以幫我哋解決晒😚。 同埋其實我哋婚禮嘅時候有啲小插曲出現咗，而佢都可以好快咁幫我哋解決，重新炒熱返個氣氛，Mc Oliver嘅應變能力真係好好😍，我哋嘅賓客對佢都好滿意💯。，甚至佢有好好咁幫我哋計劃我哋點樣同客人影相🤩。

Mc Oliver仲會提我哋要跟rundown，避免我哋會做遲咗啲嘢，幫我哋掌控時間，令我哋所有嘢都in control😉。 最令我感動嘅位係Mc Oliver會自己幫我哋影一啲花絮再send返俾我哋😁。佢send個Google Drive俾我嘅時候，我真係好surprise，我冇諗過佢會咁好😍，會做到呢個地步💕。

因為疫情關係同埋想兄弟姊妹想負擔少啲嘢所以就想搵專業嘅MC幫手，最初有上網比較唔同嘅MC，而我哋知Oliver係魔術師，覺得佢嘅風格好啱我哋，我哋都希望我哋嘅婚禮可以氣氛好啲，開心嘅氛圍，費事親戚嚟到因為大家都唔相識而要坐定定係度會尷尬😳，我哋睇番Oliver嘅片覺得佢俾人感覺好開心，又有喜感，睇到佢Background都係做開魔術表演，我同先生都係比較玩得嘅類型，考慮過各方面情況完就㨂咗Oliver做MC部分。👍

我哋喺Oliver講解都覺得佢解釋都幾清晰，係講解魔術表演🪄或者其他嘢需收費錢都好清楚，因為我婚禮係疫情期間舉行，所以係一開頭Oliver都有同我解釋過延期或者改期嘅安排，我哋落咗訂佢就好快就開咗一個WhatsApp Group，同我哋講番幾時會傾流程同開會細節，佢做嘢都非常仔細，係Big Day前一日佢會同我哋講埋當日嘅天氣情況，同埋當日我哋需要同親戚嘅注意事項同建議俾我哋，我同先生都覺得Oliver睇得出非常之專業。😊

Big Day當日Oliver俾我哋預計時間早好多就到場，因為我屋企人比較傳統，好多細節嘢好執著，Big Day我哋同屋企人都有好多唔同意見同爭執，其實當日我哋都有啲擔心，而Oliver當日係好識得去氹四大長老同老人家，因為其實係一開頭我都有同Oliver提過我哋最擔心係影相部分，因為好多親戚，同埋佢地會好鍾意你推我讓，多得Oliver可以氹掂佢哋，當日親戚朋友都大讚Oliver嘅表現，尤其係四大長老都非常欣賞，話遲啲要將佢介紹俾其他朋友。😎

佢當晚嘅氣氛控制得好好，一來有表演環節，另外Oliver嘅幽默同應變都令賓客好開心。 我哋本身都覺得婚禮多多少少有啲Overrun，準時係比較困難，我哋無諗過當日係每一個流程都係可以On time完成到，呢點都係我同先生都喜出望外。💯

當晚我都有搵Oliver負責一部分魔術表演，但原來佢同我先生之前有夾到啲驚喜俾我，而我事前唔係太清楚，直到當日佢有事前教咗我先生一個魔術，然後喺Big Day當日台上表演，我完全預計唔到，多謝佢哋嘅安排🤩。而整晚嘅流程安排，呢部分我哋係完全依賴曬Oliver安排，每一Part完咗Oliver都會提我哋嚟謹係乜嘢環節，基本上我哋係非常之順利完成。真係整體非常之好👍。