我哋揀Hyatt Centric Victoria Harbour ，因為我哋都好鍾意 Hyatt 集團嘅風格，所以喺網上搵咗幾間場地做比較，最後覺得呢到最符合我哋嘅要求。Hyatt Centric Victoria Harbour 嘅場地規模啱啱好，唔會太大，而戶外證婚場地同成個場嘅設計都幾貼近我哋想要嘅感覺。我哋去睇場嘅時候，已經覺得裝修好靚，唔需要再額外deco，呢點真係好好😋。喺同酒店溝通嘅過程中，佢哋嘅回覆速度真係好快，無論係查詢或者改menu， 佢哋都好快俾到回應，仲俾專業建議我哋。例如喺 menu 方面，我哋改咗幾款菜式，將魚生換成其他小食，主廚都好樂意配合😚。同事之前都有提醒過，但有一樣嘢食我哋估唔到真係會咁辣，結果當日有啲朋友覺得太辣，所以如果有講得更清楚就會更加好。但係成個過程當中，同事都有keep住問我哋有冇食物敏感，或者有冇啲咩要求🥳。

當日場地嘅光線唔錯，尤其係出門房嗰到，兩邊都係落地玻璃窗，令間房夠光猛🤪。房內空間都足夠，但因為有啲茶几同櫈，如果想要多啲空間，就需要花啲時間移動。酒店同事非常細心，佢哋留意到我哋冇時間食嘢，送嘢飲嘅時候仲俾埋飲管我哋💖。同事仲幫手將剩低嘅嘢食打包，方便我哋帶返屋企。呢啲細節雖然唔算好大嘅舉動，但真係幾窩心🥳。

我係因為之前staycation嚟過Hyatt Centric Victoria Harbour，所以就留意到佢哋有做婚禮場地。Hyatt Centric Victoria Harbour嘅場地人數又啱啱好符合我哋嘅要求，所以就揀咗佢哋😚。同酒店嘅溝通都冇問題，就算中間轉咗同事，溝通都順利，冇咩大問題🤩。當我哋有問題，同事都會幫我哋手，解答我哋嘅問題。喺準備婚禮嘅時候，有啲地方同事冇預先同我哋講清楚，結果到當日先發現有啲嘢未準備好，搞到有啲混亂。所以我哋希望事前可以再溝通得清楚啲，咁就唔會有咁嘅情況😁。

Hyatt Centric Victoria Harbour提供嘅菜式選擇都多，質素都幾好，大部分賓客都話幾好食，呢點我覺得幾滿意❤️。整體場地運作得幾好，音響、螢幕都冇問題，我哋覺得酒店嘅 production team 都幾細心，睇到佢哋有注意啲細節💕。不過因為證婚場地喺三樓，我哋想搭電梯上去嘅時候，發現要特定嘅同事拍卡先可以上到三樓，我哋自己用房卡都上唔到，所以當時嘅情況真係有啲混亂，要搵好幾個同事先至可以解決🥹。同埋我覺得同事可以再主動啲，好多時都係我哋主動問，佢哋先覆。即使我哋有問題，但同事都覆得唔快，可能要等幾日先答返我哋，呢樣都令我有啲困擾，所以佢哋再主動啲會更加好🤪！