Hyatt Centric佢個地利位置近地鐵站非常之好👍，而且佢哋有室外證婚場地呢一點好吸引我，所以我就揀咗佢哋嘅wedding package，下午室外證婚再加buffet嘅晚宴🥰。 Manager Carrie服務幾好，簡介亦好清楚😏。我哋嘅要求可以嘅話都會盡量安排俾我哋，而當真係有啲做唔到嘅，佢都好詳細咁解釋俾我哋聽係點解做唔到😍。佢回覆亦好快，就算非辦公時間佢都會照樣覆我地🤩。

婚禮嗰日咁啱係3號風球，佢哋酒店喺北角近海邊，真係非常之大風，所以佢哋之前一晚就聯絡我話真係太大風，室外證婚要取消，移返室內。我本身係被室外證婚嘅環境吸引到我而決定喺Hyatt Centric度搞婚禮，所以我聽到後都幾唔開心🥲。Carrie佢都知道我因為唔可以有室外婚禮，所以有啲唔開心同埋失望，佢就同其他酒店嘅員工一齊俾個plan B我，盡量幫我喺室內嗰度還原返室外嘅時候嗰個樣俾我，用返晒室外場地預備好嘅佈置😍。另外佢亦都有話如果第二日真係冇咁大風嘅話都可以考慮開放3樓室外部分俾我哋影吓相📸，只可惜最後都只可以全室內。

當日佢哋3點交場，佢哋2個鐘之內就幫我佈置好晒🥰。而原本有啲嘉賓係要坐室外，因為後來全部要喺室內，佢哋都幫我哋安排返，令所有賓客都可以安頓好💯。我覺得佢哋改得好好同好快手，應變計劃又快又好，令我非常感動😍，由呢啲小插曲就睇到佢哋嘅服務好好💯。佢哋真係諗盡辦法幫我，所以我真係非常滿意佢哋嘅服務❤️。我啲兄弟姊妹都話最後好似仲靚過室外，所以我都好開心🥰！結果轉晒室內場地我都好滿意❤️，唯一要講嘅係projector螢幕比較細啫，可能唔係主要for婚宴啦～

我哋預計6:30開始晚上嘅buffet，佢哋都好準時開始，而且食物會不斷refill得好快，我啲親戚朋友都大讚佢哋嘅食物，特別係叉燒最多人讚👍，同埋好似話甜品都好多款🤩。然後我哋計劃8點左右先至開酒俾啲賓客，佢哋嘅員工留意到已經有人開咗酒，都會嚟提我哋使唔使提一提其他賓客已經開咗酒，真係好細心💯！呢度評分最多只可以俾5分，但如果可以嘅話我想俾10分🥰！

我之前去staycation嘅時候對Hyatt Centric嘅服務留下好深刻嘅印象。當時見到佢哋有一個好靚嘅草地場地可以證婚，加上可以帶埋狗仔入去嘅pet friendly政策都令到我感到非常窩心，所以之後我都冇咩猶豫就選擇左佢哋。❤️

當然佢哋嘅服務都冇令到我失望，就算係夜晚都會見到佢哋覆email，疫情期間好多未知之數，佢都會盡力幫我哋諗辦法解決，一個問題比好幾個答案或者可行方案我參考。佢哋嘅經驗仲可以教我哋做一個更為流暢嘅時間安排。🤩職員比到你嘅感覺係真係想同你keep contact，就算婚禮完咗之後都會話希望下次可以再見到我哋嚟食飯，仲話可以through佢哋book位。🙈我真係好少見一間酒店係caring到所有賓客都讚佢哋嘅服務好好。

我知佢哋酒店係好忙好多嘢做，但係佢哋堅持提供最好嘅服務俾客人。 佢哋酒店好注重私隱同安全性，原本一張卡只可以去一個樓層，但因為我哋當日都有好幾間房係唔同樓層，如果要攞幾張卡就非常唔方便，佢承諾可以俾我哋當日喺唔同樓層自由出入。😉知道我哋有老人家，亦都會安排房間比佢哋休息，唔需要佢哋頻頻撲撲，走來走去。😌我覺得選擇佢哋酒店係一個好明智嘅決定，唔需要操心啲乜嘢，就可以一個好好嘅體驗。🥰