Keith Production HK
4.8
最新評論
整體滿意度
4.8
過濾評語:
Phi
5
精選評論
當日Keith Production負責註冊拍照同埋拍片嘅部份,兩者嘅效果都令我非常滿意、深刻。尤其係拍片,成品好有時代感得來又唔會old school。整體嘅色tone係復古但唔會俾人一種好老嘅感覺。😊

我哋嘅要求比較簡單,就係希望攝影師同攝錄師可以lead到我哋,話俾我哋聽有咩動作或者個程序係要點做。而Keith…

當日Keith Production負責註冊拍照同埋拍片嘅部份,兩者嘅效果都令我非常滿意、深刻。尤其係拍片,成品好有時代感得來又唔會old school。整體嘅色tone係復古但唔會俾人一種好老嘅感覺。😊

我哋嘅要求比較簡單,就係希望攝影師同攝錄師可以lead到我哋,話俾我哋聽有咩動作或者個程序係要點做。而Keith同攝錄師Quentin成個過程都表現得非常專業,會不斷試唔同角度,不斷試唔同嘅地方,一有時間就捉我地去影相,亦都會提醒我哋有咩注意嘅事項。拍片嘅時候佢會鼓勵我哋錄一啲說話比對方,所以段片係非常有紀念意義。佢哋亦都會好耐心咁教我點樣擺pose,無論係角度定係姿勢都好特別。🤣 佢哋回相速度好快,基本上相片嘅話第二日已經執埋比我睇,至於片嘅話就要等耐少少一個月左右。但係我都覺得係好合理嘅時間,高質素嘅片係要花多少少時間嘅。😎

我對佢哋整體服務表現非常滿意,成個過程唔需要太多交流,攝影師都會明白客人想要啲咩。睇得出佢哋經驗非常豐富,佢哋亦都好留意新人嘅細微動作,例如會提醒我哋收肚同唔好寒背。我記得我當日都比佢哋提醒過不下30次,反映到佢哋非常之細心。而且佢哋都非常之準時,喺約定嘅時間之前已經到咗甚至係ready好晒,真係好盡責!🤩

攝影
Z
5
精選評論
我一開都係上網搵唔同嘅攝影公司,睇下邊啲公司Style啱自己,感覺又舒服嘅,經過比較,我覺得Keith Production嘅Style我自己幾鍾意,價錢都合理,所以就㨂咗Keith Production影Prewedding🥸。

我整個過程主要都係同Keith佢溝通,佢解釋得幾清晰,由一開始溝通到影相當日整個溝通效…

我一開都係上網搵唔同嘅攝影公司,睇下邊啲公司Style啱自己,感覺又舒服嘅,經過比較,我覺得Keith Production嘅Style我自己幾鍾意,價錢都合理,所以就㨂咗Keith Production影Prewedding🥸。

我整個過程主要都係同Keith佢溝通,佢解釋得幾清晰,由一開始溝通到影相當日整個溝通效果都好好。本身個Pacakge係包禮服,但我哋去到佢哋合作嘅禮服舖頭,就唔係太鍾意,所以我就同Keith溝通,佢都肯幫我減免1,000蚊。😚

就住㨂相地點嘅時候,其實我都有問過佢出面好多都需要包車周圍去,因為我都驚Keith佢哋嘅器材拎都辛苦,所以就問過Keith佢哋意見,Keith佢哋表現都好Nice,都無乜所謂,我㨂邊個位置,佢哋就會安排🥰,我自己就想去愉景灣影相,因為佢區內都有啲路車行唔到,所有有段距離都需要行路,Keith佢哋都會俾意見我哋。👍

我拍攝位置最後就㨂咗愉景灣同Stuido入面影,拍攝當日Keith就係我嘅攝影師,化妝師都會幫手做助手嘅工作,化妝師都感覺唔錯,期間佢都幫我轉咗3個做型,中段都會幫我補妝,佢同Keith成個感覺都係好Nice,整日都俾到輕鬆嘅氣氛我哋,佢哋會一直同我哋有講有笑,Keith會一直教我哋擺唔到嘅Pose,所以整體感覺都唔錯。🏅

當Keith執相嘅時候,如果我哋有乜意見,佢都會幫我哋,最後出嚟嘅效果都好好,我哋都好滿意。屋企人同朋友見到我哋嘅相大部分都話好靚,同埋個Style佢哋都鍾意。😍

Keith Production HK
2022.03.31

多謝你哋鍾意我哋嘅作品,每一個新人係影相過程都有唔同嘅需要,我哋會儘量配合。😊

最新優惠
聯絡商戶