我都幾鍾意Keith Production影相嘅風格同影相技巧📸，有格調💯。所以除咗影相，租衫同埋化妝我哋都係揀咗Keith Production一次過搞掂🥰。Keith Production嘅禮服着上身都幾舒適，如果款式可以再多啲就更好🤗。試衫當日都幾多人去，Keith Production啲姑娘好忙碌咁行嚟行去，由於佢哋嗰日真係幾忙，可能有時要等一陣。不過佢而家現有嘅package可以整實體版相簿俾我哋，如果佢可以整一個電子版相簿，方便我哋喺網上分享俾朋友同親戚，咁就更加方便我哋去讚下佢哋呀嘛🤣，畢竟我哋都對Keith Production嘅服務態度都幾滿意💯。

Keith Production嘅化妝師技巧唔錯💯，佢幫我老婆化得好靚❤️。化妝完成後，我都有係咁幫老婆影靚相😍，而攝影師嘅服務態度都好好。我覺得同攝影師合作，其實係雙向，大家需要多啲嘅溝通👍。而佢有細心咁指導我哋，我哋都可以做到佢想要嘅效果😉，所以我覺得今次合作係唔錯嘅🥰。而且啲相最終出嚟嘅效果係我想要嘅風格❤️，其中一張相我哋都揀咗做我哋嘅封面😏！

當日Keith Production負責註冊拍照同埋拍片嘅部份，兩者嘅效果都令我非常滿意、深刻。尤其係拍片，成品好有時代感得來又唔會old school。整體嘅色tone係復古但唔會俾人一種好老嘅感覺。😊

我哋嘅要求比較簡單，就係希望攝影師同攝錄師可以lead到我哋，話俾我哋聽有咩動作或者個程序係要點做。而Keith同攝錄師Quentin成個過程都表現得非常專業，會不斷試唔同角度，不斷試唔同嘅地方，一有時間就捉我地去影相，亦都會提醒我哋有咩注意嘅事項。拍片嘅時候佢會鼓勵我哋錄一啲說話比對方，所以段片係非常有紀念意義。佢哋亦都會好耐心咁教我點樣擺pose，無論係角度定係姿勢都好特別。🤣 佢哋回相速度好快，基本上相片嘅話第二日已經執埋比我睇，至於片嘅話就要等耐少少一個月左右。但係我都覺得係好合理嘅時間，高質素嘅片係要花多少少時間嘅。😎

我對佢哋整體服務表現非常滿意，成個過程唔需要太多交流，攝影師都會明白客人想要啲咩。睇得出佢哋經驗非常豐富，佢哋亦都好留意新人嘅細微動作，例如會提醒我哋收肚同唔好寒背。我記得我當日都比佢哋提醒過不下30次，反映到佢哋非常之細心。而且佢哋都非常之準時，喺約定嘅時間之前已經到咗甚至係ready好晒，真係好盡責！🤩