朋友結婚嗰陣搵咗Keith幫手拍片而當日我就係做伴娘，所以一早已經睇過佢嘅作品，係做伴娘嘅過程我哋同阿Keith都溝通得好好，因為有溝通有交流先會清楚明白新人個style係想點。Keith佢哋好平易近人好樂於聽客人意見去改進，再迎合自己嘅風格，所以到自己結婚嘅時候就即刻搵佢哋啦🥰

Big Day前我哋都有搵阿Keith拍一啲成長片段同微電影，一般人拍呢類型嘅片都可能會係海邊，竟然Keith會提議上大東山上面拍🌾對於攝影師來講一定唔係一件容易嘅事，始終都要拎咁多器材上山，Keith 冇拒絕之餘仲一齊諗好多故仔，希望上到去拍攝一個屬於我哋兩個嘅故仔。 而且Keith 嘅影片唔會好standard，反而會問我哋兩個想要咩再幫我哋諗適合我哋嘅畫面，最緊要係好願意聽我哋意見。

而到Big Day個日佢好貼心，知道我哋想玩小煙花，佢會幫我哋搵，又買埋防風火機俾我哋，只希望成個畫面都會令我哋拍到最靚。

本身只係客人關係，但依家都昇華做左朋友🤗