當初我喺網上睇到Keith Production嘅一啲片，相比起睇相，我更鍾意睇片段😆。睇完之後，我覺得佢哋拍得好有電影感，係我想要嘅效果🤩，所以我就喺IG問Keith Production嘅價錢，覺得價錢合理，所以就選擇咗呢一間攝影公司🤗。 當時同Keith溝通嘅時候，佢都有耐性解答我嘅問題。之前因為疫情我哋需要改期，Keith都好樂意幫我哋處理改期嘅問題，唔會成日咩都講錢，好多事都有商有量👍🏻。其實我哋都工作比較忙，但佢哋都盡量配合，唔會話只喺營業時間先至回覆我哋，有時夜晚都會照覆我哋訊息，佢哋真係好好～😘

一開始，我就買咗2P1V嘅package，但之後屋企人想喺晚宴個陣加多一個攝影師📸，所以晚宴嘅時間就有3P1V，成個溝通過程佢哋都好nice🥰。我覺得Keith Production嘅攝影師都好隨和，除咗會引親戚朋友笑🤣，又尊重我哋嘅意見，影之前會問我哋想要乜嘢感覺，唔係好藝術家脾氣嘅人😂。早拍晚播佢哋都幫咗我哋好多，有啲片段位我想加插一啲動畫同插圖，佢哋都好細心咁根據我哋嘅要求，慢慢咁整出我哋想要嘅效果。不過當晚有一個小插曲，就係當晚有其中一個裝飾燈牌熄咗，但我哋大家都無留意到，但都無影響到相嘅質素，So far啲相我都鍾意❤️。

最後，啲片出嚟嘅效果，我好鍾意，因為拍攝手法好有電影感，我好鍾意呢個效果💕。相就未完全收到，只係收到少少，因為之前都有講過需時大約三個月先收到😆～而我就最鍾意我哋Big Day 去M＋外影嘅相，當日天氣都幾好，所以啲相出到嚟效果好靚🥰❤️！

Pre wedding同埋big day選擇Keith Production我好放心🥰。 影Pre wedding 嘅時候，Keith Production嘅服務體驗已經好好💯。佢哋職員超級有耐性同細心❤️。佢地會講吓乜嘢衫嘅cutting會更襯我身形。最終，我都揀到我嘅心頭好😍，而且啲衫着上身都容易活動。

我係百分百信任Keith Production嘅化妝師添🥰，因為Michelle可以化到我想要嘅妝容效果💕。而且除咗妝容，髮型都係佢一手幫我設計，令我唔使過分顧慮同擔憂我嘅造型設計💪🏻。 喺攝影過程當中，我哋都好順暢、冇甩漏，成個過程比人哋感覺好舒服😁。啲相出到嚟，張張我哋都好鍾意❤️，真係特別靚㗎🤩！

我仲有揀啲相擺喺Big day當日最顯眼嘅地方。 而且Big day嗰日嘅拍攝團隊仲會帶動我哋進行成個流程，幫我哋影低每一刻最自然嘅嗰一幕🥰。出門到晚宴，都係佢哋安排我哋嘅攝影流程，完全唔需要我哋諗，只要我哋嘅人到咗個地點就得啦🤣。我哋可以好放心、好放鬆咁樣俾佢哋影低婚禮美好嘅每一刻🥰！