羅勤芳總監為「香港中華禮儀振興會」副主席、「專業大妗有限公司」和「羅勤芳中華禮儀」創辦人及總監，從事大妗行業廿四年，經驗豐富，乃業界之翹楚，創立「專業大妗」品牌，為大妗業開闢一條通向未來的康莊大道。
羅總監致力推廣傳統婚嫁禮儀，提倡以現代美學改進中式婚禮，令婚禮建基於中華傳統儀式，優化禮儀程序，新舊兼容，合情合理地改善中式婚嫁禮節。為確保文化傳統得以持續發展，羅總監堅信必須要得到幼青少的支持，於2014年得「香港中華禮儀振興會」支持，籌募得捐款，同年邀請 「中英劇團」合作，創作「Fortune Cookies與嫁女餅」禮儀話劇，於2014至2015年在香港80所學校園滿演出。
羅總監主持過數千宗婚禮，當中不乏官紳名流、演藝紅人。歷年來她多次應邀為各婚紗展覽主講，及婚禮雜誌網站撰文，主要簡歷如下:
2006年 獲邀為香港特區政府新婚生活易網站擔任中式婚嫁禮儀顧問
2007年 獲邀為香港慶回歸十周年活動之坑口客家婚禮顧問
2007年 獲邀主持全港首個合法集體中式婚禮的禮儀專家
2009年 獲認証為僱員再培訓局首位大妗課程導師
2009年 入選「中國百名傑出女企業家」於北京人民大會堂接受榮譽証書
2013年 為孔子第七十二代後人主持香港首個儒家婚禮
2014年 獲邀為廣州荔灣嶺南文化發展會館設計及主持新拜堂禮
2016年 獲邀為伊閣(深圳)創意策略顧問有限公司的首席顧問
2017年 獲邀為暨南大學深圳旅遊學院的首席導師
2017年 獲邀為澳門文華東方酒店婚俗講座的主講者
2018年 饒宗頤文化館婚俗講座系列共五講的主講者
2018年 首位大妗在麗江世界文化遺產之文昌宮主持新拜堂禮
2019年 「山盟海誓」集體婚禮在饒宗頤文化館的主持
AWARDS
聯絡商戶
除咗出門同敬茶，我哋安床同上頭都係搵…
我搞婚禮嘅時候原本係想搵羅總監旗下嘅其他大妗姐，但係睇完佢啲片段之後又覺得好合眼緣🤩，所以就搵咗羅總監😍。上去同佢傾嘢嗰陣已經覺得佢好穩重、好專業同好Nice🥰，佢好快就比到概念我哋個婚禮要點樣做💯。羅總監嗰度都有好多唔同package，佢都比好多空間我哋自己去揀，感覺好舒服😊。
除咗出門同敬茶，我哋安床同上頭都係搵咗佢幫手😄。 我哋一齊傾嘅時候佢問得好仔細👍，會問我哋係邊度人，有啲風俗連我哋自己都唔知，佢都會提議叫我哋問吓長輩先😁。例如我先生係圍村人，有條客家村，羅總監知道之後就提我地客家人入村可能會請麒麟或者係其他儀式、拜下神之類，都提我哋要問返屋企人有冇安排，呢件事令到男家屋企人覺得好受到尊重👍，真係又專業💯又細心❤️！其實我哋做中式都係想尊重老人家，佢俾咗好多細節我哋之前係冇留意，全靠佢令到啲老人家好開心🥰，感受到我哋好尊重佢哋👍。
其實嗰陣個婚禮我都好趕得，得十幾日準備，婚禮前早一兩日我就問佢有邊啲我要買定，佢睇完之後都覆我話「我幫你預備埋啦😏，等你唔使花時間去張羅」真係好貼心😍。 婚禮當日成個過程好順利😆。但我覺得我講漏咗一件事就係無同羅總監講定，佢到時可以幫手提點攝影師佢哋注意啲中式文化細節，例如我過門檻嗰時，攝影師會問我哋可唔可以行返後入去影張相，可能我個人比較傳統，覺得唔係咁吉利，但呢啲位總監就冇乜出聲，都比好大自由度我哋😉。所以之後我就覺得如果一開始溝通咗請羅總監佢幫手留意同出出聲嘅話成件事就會更好👍。
婚禮裡面其中一件事我好印象深刻😊，就係男家嘅長輩細細聲問咗我幾次係咪要派利是，我就提返係儀式後先派，然後羅總監聽到就話「俾佢哋派先都可以㗎，唔係老人家係咁心掛掛。等佢哋派晒咁就可以安心飲新抱茶囉😄」呢一下真係令我覺得好貼心❤️。婚禮之後我兩個家姐都話退休之後可以去學吓做大妗姐，覺得件事好有意義🥰，又可以令到人好開心😁，真係感謝羅總監嘅專業服務💯！
而成個溝通嘅流程都好順暢，我哋有啲乜嘢唔識去問好姐，佢都第一時間…
我喺展覽入面，接觸到羅勤芳（芳姐）專業大妗嘅服務，咁我哋對中式嘅婚嫁禮儀都唔係咁清楚，咁所以呢就去了解一下佢哋嘅服務。之後發覺佢哋嘅服務都係我哋需要嘅，所以就決定喺結婚嗰日搵芳姐幫手。 接待我哋嘅大妗姐- 好姐👧🏻，好姐係講解服務嘅時候好詳盡，好仔細。
而成個溝通嘅流程都好順暢，我哋有啲乜嘢唔識去問好姐，佢都第一時間可以回答到我哋。到咗結婚嗰日，好姐好有心機去幫我哋安排成個流程，同攝影師及其他工作人員嘅溝通亦都好smooth，各位親友對好姐嘅表現都十分滿意。💯
好姐的工作態度十分認真，專業☺️。而最令我印象深刻嘅，就係好姐完成咗佢自己嘅工作之後，都冇話即刻離開。好姐都主動留低幫我哋準備March in，直至到我哋進場的一刻佢先至離開。 再一次感謝羅勤芳大妗服務👍🏻，令到我哋嘅婚禮可以順利進行。