羅勤芳中華禮儀 專業大妗有限公司
Lo Kan Fong Chinese Wedding
5
關於 羅勤芳中華禮儀專業大妗

       羅勤芳總監為「香港中華禮儀振興會」副主席、「專業大妗有限公司」和「羅勤芳中華禮儀」創辦人及總監,從事大妗行業廿四年,經驗豐富,乃業界之翹楚,創立「專業大妗」品牌,為大妗業開闢一條通向未來的康莊大道。

       羅總監致力推廣傳統婚嫁禮儀,提倡以現代美學改進中式婚禮,令婚禮建基於中華傳統儀式,優化禮儀程序,新舊兼容,合情合理地改善中式婚嫁禮節。為確保文化傳統得以持續發展,羅總監堅信必須要得到幼青少的支持,於2014年得「香港中華禮儀振興會」支持,籌募得捐款,同年邀請 「中英劇團」合作,創作「Fortune Cookies與嫁女餅」禮儀話劇,於2014至2015年在香港80所學校園滿演出。 

       羅總監主持過數千宗婚禮,當中不乏官紳名流、演藝紅人。歷年來她多次應邀為各婚紗展覽主講,及婚禮雜誌網站撰文,主要簡歷如下:

2006年 獲邀為香港特區政府新婚生活易網站擔任中式婚嫁禮儀顧問

2007年 獲邀為香港慶回歸十周年活動之坑口客家婚禮顧問

2007年 獲邀主持全港首個合法集體中式婚禮的禮儀專家

2009年 獲認証為僱員再培訓局首位大妗課程導師

2009年 入選「中國百名傑出女企業家」於北京人民大會堂接受榮譽証書

2013年 為孔子第七十二代後人主持香港首個儒家婚禮

2014年 獲邀為廣州荔灣嶺南文化發展會館設計及主持新拜堂禮

2016年 獲邀為伊閣(深圳)創意策略顧問有限公司的首席顧問

2017年 獲邀為暨南大學深圳旅遊學院的首席導師

2017年 獲邀為澳門文華東方酒店婚俗講座的主講者

2018年 饒宗頤文化館婚俗講座系列共五講的主講者

2018年 首位大妗在麗江世界文化遺產之文昌宮主持新拜堂禮

2019年 「山盟海誓」集體婚禮在饒宗頤文化館的主持



AWARDS



h



影片
套餐詳情
服務範疇
最新評論
整體滿意度
5
過濾評語:
Serena
5
精選評論
我哋會搵羅總監係因為婚禮場地嗰邊關心我哋有冇其他結婚嘅嘢未搞掂,就介紹咗羅總監比我哋😏。我哋去婚展嗰時就去咗羅總監個booth度了解吓佢哋嘅服務💪🏻,因為本身對好多傳統禮節都唔熟悉,想買個安心❤️,就Join咗佢過大禮同Big day全日嘅服務,我哋搵咗嗰位大妗姐叫芳姐😉。

雖然我淨係join咗佢哋呢兩個服務,不過我…

我哋會搵羅總監係因為婚禮場地嗰邊關心我哋有冇其他結婚嘅嘢未搞掂,就介紹咗羅總監比我哋😏。我哋去婚展嗰時就去咗羅總監個booth度了解吓佢哋嘅服務💪🏻,因為本身對好多傳統禮節都唔熟悉,想買個安心❤️,就Join咗佢過大禮同Big day全日嘅服務,我哋搵咗嗰位大妗姐叫芳姐😉。

雖然我淨係join咗佢哋呢兩個服務,不過我問芳姐有關其他禮節上嘅事佢都好樂意答我😊。每次我問完一啲禮節上嘅事,佢都會先講咗傳統上會點樣做,而現代又有咩簡化咗嘅做法,等我哋可以因應自己嘅時間嚟做選擇😍。例如我哋聽過入咗門之後要食門堂飯,但唔知其實係唔係一定要食同埋要食啲咩,佢就解釋返最傳統係有九道菜,但宜家屋企冇拜開神其實都可以唔食😏。最後為咗註冊啲時間可以鬆動啲,我哋就skip咗大部分,淨係食湯丸🤣。另外,有時有啲服務以外嘅儀式佢知道我地會做,都唔介意額外whatsapp啲資料比我哋,好貼心😍!

過大禮當日,好多細節位(例如過大禮個籃上面點樣放利是等等)都處理得好好👍,成個儀式都好有氣氛🥰。好多禁忌上嘅事情都會預先提點我哋,我哋都覺得佢好盡責💯。敬茶嗰陣佢講啲吉利說話非常之流暢,令到成個場面都好開心😆。我本身有自己預備到斟茶用嘅紅棗蓮子,但份量又唔係好啱,好彩芳姐都有帶到嚟❤️,而且仲係我哋冇事先叫佢咁做,有佢喺度真係令到成件事都安心咗同埋順利咗😉。

當日有啲親戚夜晚先到,斟茶都斟咗好多轉,不過每次有親戚嚟到,佢都好快手咁自動波咁準備好哂💪🏻。 另外,當日印象比較深刻係返到男家嗰陣佢哋準備咗個繡球叫我哋拜父母同夫妻交拜😄。其實嗰刻都幾surprise🤩,因為當初冇預到有呢個環節。我覺得呢個環節花嘅時間唔多,但係就好又有儀式感🥰!以前做過姊妹都未見過呢個環節,令到結婚呢件事深刻咗,亦都覺得佢好細心❤️。我老爺奶奶同爸爸媽媽,甚至其他親戚都覺得佢好好💯,就連攝影師都讚佢好識配合,好識得喺啲儀式度比位攝影師影相同知道幾時避開唔入鏡,處理得好有彈性👍。我覺得呢個服務係絕對值得😍!

司儀及表演
FXI
5
精選評論
我有位朋友對wedding好熟悉,所以我嗰時book完酒店就已經即刻去book芳姐😁。一開始我哋whatsapp溝通時已經覺得佢好親切😉,佢簡單嘅提醒都好窩心同貼心,任何一部份都好細心、好體貼、好詳盡又好有耐心❤️! 過大禮嗰日係芳姐自己親自送去男家同女家,親自見兩家嘅長輩。男家嗰邊目測都有成三四十人,如果唔係有芳姐都…

我有位朋友對wedding好熟悉,所以我嗰時book完酒店就已經即刻去book芳姐😁。一開始我哋whatsapp溝通時已經覺得佢好親切😉,佢簡單嘅提醒都好窩心同貼心,任何一部份都好細心、好體貼、好詳盡又好有耐心❤️! 過大禮嗰日係芳姐自己親自送去男家同女家,親自見兩家嘅長輩。男家嗰邊目測都有成三四十人,如果唔係有芳姐都會幾混亂,但佢完全head到個場面👍。

過大禮嘅物品裡面一包針線,喺過大禮之後佢都特別提我哋要留低係上頭嗰時要用🥰。 上頭個流程同埋要預備啲乜嘢,佢都同我哋講得好仔細 😊。上頭嗰晚原本約咗9:15,但佢8點幾已經ready💪🏻,等我哋ok先上嚟,完全無架子🥰。喺等我嘅期間佢就幫我哋佈置間房,佢會同我爸爸媽媽講「你哋係客人嚟㗎,呢啲等我嚟啦😉」全部嘢佢自己一手一腳去做!間房同張枱佢都佈置得好有美感,影出嚟好靚💯。佢亦會解釋俾我聽枱上面嘅嘢咁樣放係咩意思,例如鉸剪、梳係咩意思,感覺好細緻同好細心❤️。佢又會好搞笑話鳴謝酒店提供水果,令到個氣氛好輕鬆好和諧😍,真係好好👍。我父母同家姐喺企位上唔知點樣,佢到好細心咁樣同佢哋講應該點樣做,成個過程好開心😊。

另外,芳姐佢每一個禮節都會好耐心咁講解俾我聽係乜嘢意思,同埋個來由係乜嘢,點解要咁樣做😏,例如問佢點解11:00出門,佢就會同我哋講話喺中國傳統曆法裏面11:00係一日嘅開始😏。芳姐唔單止令到過程好順利,仲話到好多知識俾我哋所有人知道💪🏻。我覺得身為女仔喺呢個婚禮裏面嘅感受,芳姐係一個完美嘅大妗姐🥰!

另外,我覺得佢真係好似一部電腦咁,喺唔同嘅過程裏面佢都會有一啲押韻嘅祝賀慶祝說話,仲要每一句都絕對無重覆😆!每一個親人都讚佢好專業💯,同埋每一個家人都忍唔住想打賞佢😉。婚禮完成咗之後,我哋寫咗一段嘢去多謝佢,佢身為長輩竟然同返我哋講話幫到你哋係我嘅榮幸❤️。我覺得芳姐係有一種力量,佢喺度你會好放心好定😍。我知道佢喺行業裏面都好有名氣,但係佢真係一啲架子都無,非常親切😏。我真係好好彩可以預約到佢,簡直係無敵大天使嚟😍,其他新人你哋一定要預約完酒店就即刻預約芳姐!!評分更加係唔使多講,一定係滿分💯!

司儀及表演
羅勤芳中華禮儀 專業大妗有限公司
2022.11.23

多謝你哋邀請我同好榮幸可以做你哋婚禮儀式嘅大妗姐❤️我都好開心可以分享好多傳統婚禮文化和習俗上的知識比你哋,同埋好高興可以協助你哋完成過大禮、敬茶儀式等等重要嘅過程😄係呢度再一次祝賀你哋,新婚快樂,百年好合!!😊

聯絡資料
35860886 / 96360230
lokanfong@chinesewedding.com.hk
最新優惠
聯絡商戶