之前我哋有一個meeting,我以為只會係我哋簡單講一下我哋嘅rundown,但原來佢會同我哋分享一下佢做司儀見…
當時去婚展都有見過Palette Co嘅MC😉。司儀Yiki俾我印象都係幾正面,唔會hard sale😁,集中講自己做司儀嘅經驗,然後再了解一下我哋婚禮嘅情況。形象又斯斯文文、正正常常,我覺得已經唔錯🥰。
之前我哋有一個meeting,我以為只會係我哋簡單講一下我哋嘅rundown,但原來佢會同我哋分享一下佢做司儀見過嘅rundown,由框架到細節都會比一啲意見我哋😍。我覺得佢連呢啲位都肯花心機,我真係好欣賞🤩!而且我哋溝通嘅時候,佢好似朋友傾偈,去了解我哋嘅故事,循循善誘咁引導我哋講嘢,唔會覺得佢用一個工作模式對待我哋😚。
當日我有一啲本身都高要求嘅朋友同埋親戚都走過來大讚佢👍,問我喺邊度搵到一個咁勁嘅司儀,仲去攞咗佢嘅卡片添😁!我諗係因為佢把聲本身都靚、好聽,主持能力又出眾💯。
我哋搞午宴婚宴,女家好著重出門嘅吉時,男家就好介意開席時間唔可以太遲,於是乎個rundown 就搞到好tight🥺,我哋都唔知點樣砌好,我姑奶見我哋咁煩惱就就建議我哋要搵一個Wedding planner😆。最初我哋打算搵另一間有朋友嘅朋友結婚嗰時用過嘅,但係嗰個人咁啱我哋結婚嗰日冇期,佢就介紹咗其他佢覺得好嘅同行俾我哋,就係Palette Co.❤️。
Wedding嘅2個月前,Zoe就同我哋一齊去酒店度聽Terms同埋了解各樣物資要放邊👍,然後成個婚禮籌備實在搞咗太耐,我都唔記得到底唔同Vendor我俾咗幾多錢,Zoe就幫我搵唔同Vendor問返晒啲尾數😉。 另外因為我哋搞午宴,我就同攝影師講加1個鐘喺午宴後出去外影。由於外影係過咗Zoe佢哋package service time,佢就提我要計OT$1000/ hr,但我唔知原來係per head +$1000,assistant 都要加,所以最後找尾數嗰時見到係+$2000都有啲驚訝,我覺得如果可以講清楚啲會更好,有少少失咗預算😁~ 不過就係婚禮嗰日,我著件婚紗嗰時化妝師先發現條大拖尾A-line婚紗其中一重紗入面有某個位係爛咗!我final fit嗰時完全無留意到。我好驚唔知係咪一開始就爛咗,又驚之後還裙嗰陣時婚紗店會罰錢,嗰刻唔知點Manage🥲。Zoe就即刻影低相📸,然後聯絡返間婚紗店同佢哋傾😁,因為係一着上身就發現佢爛咗,應該唔使罰錢😊。最後還婚紗都係交俾Zoe去同間婚紗店傾,好在一切順利💯😍!
仲有我哋嘅婚禮其實因為疫情推遲咗幾年先搞到,啲姊妹裙都一早試同做好晒,點知去到婚禮一個星期前先至有姊妹要轉人,就變咗條裙唔啱着😭,但係市面上一個星期內冇人肯咁急幫我哋改,訂又訂唔切🥲。嗰時我哋就去問Palette Co. Zoe (我哋嘅wedding planner),佢1-2日內已經有solution,即刻幫我哋安排到一個人可以幫我哋改姊妹裙😍,亦都有另一個聯絡係可以租姊妹裙🥰。我覺得呢啲真係wedding planner先做到嘅嘢💯,佢哋有啲人脈可以幫到處理一啲好緊急/urgent ad hoc嘅arrangements👍。
「 好開心你哋滿意我哋Wedding Planner 嘅服務同安排😍明白婚禮有好多突如其來的情況發生,但我們都會盡200分嘅力量協助新人解決及完成婚禮!😁 我哋會繼續努力💪再一次祝賀你哋,新婚快樂,幸福美滿!!😊」