Palette Co.
4.8
關於 Palette Co.

結婚是每個人一生中最重要的大日子,因此很多準新人都會費盡心思,去為自己籌備一個永世難忘的愉快婚禮。但香港人工作繁忙, 很多時候也力不重心。現在,Palette Co. 婚禮統籌服務將為新人訂立周詳的婚禮計劃,打造一個別具心思,臻善臻美的開心婚禮,讓您們和賓客留下畢生難忘的甜美。



AWARDS



h



最新評論
整體滿意度
4.8
過濾評語:
AL
5
精選評論
我認識Palette Co係朋友搭上搭,但係由於嗰位朋友係信心保證,所以一開始已經對佢哋公司有幾大好感😆。 同我接觸嘅同事叫Zoe,佢比我一種好有經驗嘅感覺,表現大方得體,講解非常詳盡同埋流暢。😀

令我最印象深刻嘅係佢會handle雙方家長,有時有啲嘢新人未必咁方便直接同屋企人表達意見,佢哋就好似一個中間人嘅角色,收…

我認識Palette Co係朋友搭上搭,但係由於嗰位朋友係信心保證,所以一開始已經對佢哋公司有幾大好感😆。 同我接觸嘅同事叫Zoe,佢比我一種好有經驗嘅感覺,表現大方得體,講解非常詳盡同埋流暢。😀

令我最印象深刻嘅係佢會handle雙方家長,有時有啲嘢新人未必咁方便直接同屋企人表達意見,佢哋就好似一個中間人嘅角色,收集返大家嘅諗法然後再傾解決方案。我覺得呢個真係頗為貼心嘅。🤠

而佢成個流程都會睇到實一實,好多地方都會俾意見我哋,而啲advice都係好實用。 至於婚紗化妝師同攝影師應該都係佢嘅一啲合作商戶嚟嘅。🥰

個情況係婚紗公司會包埋化妝同攝影,類似一條龍服務咁樣。禮服嘅選擇多,質素都唔錯。我自己就揀一件深藍色燕尾款,成個過程當中都有比意見我哋嘅。🤓咁化妝雖然我未必同化妝師有好多接觸,對比起我太太嘅時間係短好多。😚但我係短時間入邊都feel到化妝師係一個幾健談嘅人嚟嘅。不過我覺得攝影師就麻麻哋啦,佢對新人嘅態度正常,但係兄弟姊妹就話態度有啲差。另外我哋會包餐午飯嘅,但係佢哋就食到好貴。Zoe都係盡量從簡,但係佢哋就多花費不少,真係幾影響觀感。

我見當日Zoe佢會熟悉晒全部嘅流程,又會不斷提醒我哋啲細節位,連我媽咪都大讚。佢細細粒都會幫手攞嘢,我問佢辛唔辛苦佢都話慣咗㗎啦。可以見到佢係一個好盡力做到最好嘅態度。如果佢哋公司可以搵多啲人嚟幫手就更加好。🤓

攝影
Palette Co.
2022.07.26

多謝你哋對我哋嘅讚賞,我哋好開心可以參與你哋嘅重要日子,最緊要你哋滿意我哋嘅安排及服務,亦都好開心我哋可以幫到你哋😁

Nancy123
5
精選評論
初頭我想個Wedding Planner由頭跟到尾,初期都約過兩個Vendor出嚟傾,當中第一個傾嘅就價錢貴啲,成件事好商業化,反而嘅Zoe嘅公司Palette做嘢比較人性化,佢唔係Package形式嘅服務,基本上我成個Wedding有啲咩問題,都會搵佢幫我手,佢哋喺比較有溫度嘅服務,而價錢都好公道,性價比好高,所以我…

初頭我想個Wedding Planner由頭跟到尾,初期都約過兩個Vendor出嚟傾,當中第一個傾嘅就價錢貴啲,成件事好商業化,反而嘅Zoe嘅公司Palette做嘢比較人性化,佢唔係Package形式嘅服務,基本上我成個Wedding有啲咩問題,都會搵佢幫我手,佢哋喺比較有溫度嘅服務,而價錢都好公道,性價比好高,所以我最後就㨂咗佢,唔會有隱藏收費問題。🤩

Join咗Palette服務我哋都即時開咗個WhatsApp Group,所有嘢都會喺度傾,當然有時佢哋都有啲忙,可能會隔咗一兩日先覆我,一開始喺有啲唔慣,但最後我發現咗原來Zoe喺想幫我問曬所有嘅Vendor先,或者做咗堆功課先會搵番我,但如果佢收到嗰堆問題嘅時候,先同我講番遲啲再覆我就會好啲,不過後期我都慣咗呢種溝通方式。

婚禮統籌前期嗰陣Zoe都將我、老公同四大長老咁多Party都照顧得好好,而婚禮當日嘅服務更加完全無得頂,賓客都同我講去過咁多個婚禮,我嘅婚禮係最Chill同安排得最好嘅,而又舒服嘅婚禮,我自己都覺得婚禮當日我喺做咗一日嘅公主,有Zoe係度完全唔洗擔心其他野,佢同助手將所有野都安排得好好,所以成日真係做得好好,因為我本身係好Control類型嘅人,我要好清楚所有野,到底而家喺度發生謹物野事,有時可能會半夜12點,或者1,2點會Send一堆問題去WhatsApp Group度,而Zoe佢哋都可以好有耐性咁覆曬我每一個問題,呢部分我真係appreciate佢哋。😚

Wedding前3個月開始越嚟越多野要Confirm,我真係Send out咗好多Message出嚟,有一刻連我老公都頂我唔順,問我做物狂轟炸人,但我就覺得腦諗到咪打出嚟,咁Zoe都係完全幫我Take care曬所有嘢,又幫我歸納曬所有問題,而佢有價值嘅地方唔係包括婚禮嘅內容,唔喺物資上嘅安排,因為Logistic嘅問題,其實可以問一兩個結過婚嘅朋友就可以幫到你手,而Zoe喺好新人嘅需要好敏感,可能佢同我、老公、我媽相處咗一排,佢知道我哋嘅性格,知道我哋大家嘅口味鍾意乜嘢,佢會對照番個性格去安慰你。😝

有一次我去試妝,我媽無陪我去,只有Zoe陪我過去,佢喺直程知道我媽喺會鍾意邊啲妝或者其他嘢,所以最後出到嘅效果就令到所有Party都開心,所以我覺得佢嘅魅力就喺呢啲方面,婚禮或者Logistic嘅問題我覺得實在喺太基本,普通Planner就可以做到,但喺你點樣去對一個人,去了解到每一個人嘅特別需要,令到每一個Party都開心,係值得最欣賞嘅地方。😊

Palette Co.
2022.01.24

多謝你哋對Zoe嘅讚賞🤩我哋都好慶興可以參與你婚禮當中每一個細節,我哋會繼續努力,希望你哋新婚快樂!!😊

最新優惠
聯絡商戶