我會比較鍾意千金一樣野就係佢係樓上舖，私隱度相對較高，而且staff都會一對一親自serve你，買金器唔同買菜，真係要試清試楚先得，當staff專注係一個客人嘅時候理所當然地就會有更高嘅服務質素。😉所以如果覺得傳統金舖、首飾店係地舖，覺得好多人行來行去覺得尷尬同唔洗好舒服嘅話，千金應該係一個唔錯嘅選擇。🤔雖然我唔知佢哋嘅booking system係點，但係我每次預約上去都係得我哋一pair客人，全程都係好舒服嘅狀態下揀金器。 不過住新界嘅朋友仔可能會覺得有啲遠，始終係九龍依邊，🙈千金如果考慮開分店可以揀係中心少少嘅位置。

講返服務先，serve我嘅人叫Winnie，佢每次都好好笑容，比嘅建議又詳細又多，亦都好肯比新人考慮嘅空間。就算我唔係即時落訂，出去考慮下先佢都唔會黑面。😌至於款式方面，千金嘅款式可能target年輕人，相對上唔係好傳統嘅款式，偏向mix and match嘅新潮款，我認為款式上可以稍微平衡啲，都入多少少傳統款，咁就可以任君選擇啦～👍🏼

我覺得而家如果買金飾都幾貴，我又唔想老人家洗錢，本身都係諗住酌量買啲份量細嘅金器就算，反正都係諗住婚禮影下相咁解，之後都冇咩機會用，又唔會話好大升值空間嘅。😅但係我搵到千金之後就解決咗個問題啦，金器都係用來影相，租定買都冇所謂啦！😏而且佢哋嘅金器全部都係新嘅，唔會攞二手金器比新人。 於是我同父母商量過之後，自己再了解其他同類型服務嘅公司，見到得千金標榜係全新金器，對比都高下立見，就上咗佢哋鋪頭了解下。🤓

佢哋鋪頭比起金鋪多一份modern嘅感覺，唔會係大紅色background，感覺target customer都係年輕人居多。鋪頭唔係話好大但勝在舒服，光線充足。😬佢哋金器嘅款式都好多元化，有龍鳳鏈、耳環同手鈪，不過既然係做年輕人生意，我諗可以加入埋銀器、其他襯晚裝嘅鏈，盡量develop多啲product line就更加方便啦。🤔

Serve我嘅職員叫Winnie，佢好有耐性同心機，會講鋪頭係賣純金啦，講解租借流程啦，仲會按我哋嘅要求recommend 金器比我，詳細盡責之餘唔會有一絲嘅pushy。因為佢哋係1 on 1服務，hard sell嘅話都咪話唔尷尬，所以佢哋都冇hard sell。😹我哋係婚前一日攞金，上到去都依然係Winnie，佢會係我面前親自拆袋攞啲金器出來，磅過重量，計清楚按金先比我哋帶走嘅。咁見到佢係我面前拆袋，我都相信佢哋應該真係落咗order之後工廠就會整一套新嘅金器，然後先送去鋪頭嘅。👍🏼由落訂同攞貨要2個月，不過趕急嘅都可以借現貨嘅。 除咗租借服務好貼心之外，佢哋仲可以買我哋啲金器。因為我婚禮當日都有收到長輩嘅金器，但其實都唔知點處理，又冇理由專登租個保險箱架嘛。😢我都唔係大富大貴人家，咁我都係想影相靚姐，自然地收到嘅金都係賣返比佢哋就算啦，唔洗煩，幾適合怕麻煩或者唔知點處理金器嘅新人。😝