千金係親戚介紹俾我哋，我哋上去佢哋舖頭之前都有去市面上其他大舖睇過同比較吓，但係覺得佢哋啲款式都幾好😉，同埋有租金飾package比較優惠就吸引到我哋😍。 佢哋喺樓上舖都幾舒服，同一時間唔會好多人。職員態度都好好，package包咩都講解得好清楚😏。老婆睇完都鐘意啲款式，其中有款豬牌幾得意😍，佢又有啲package可以襯埋一套咁租，有晒豬牌、鐲同戒指，都好方便，同埋都唔算貴，一萬蚊左右就租到一套😉。最緊要影相出嚟靚啲好睇啲，應付到長輩影相要求，老婆鐘意開心😆，又唔使特別買金，喺婚禮開支嚟講一萬蚊真係ok👍。

佢哋啲金器每次租都係全新，因為佢哋會熔咗再做，租之前都有講解清楚俾我哋知😏。到結婚嗰日，有隻鐲個扣好難開，有個親戚幫手時大力得濟整歪咗，都擔心還金嗰時會唔會唔足両，最後磅過都ok😉！因為佢係熔咗啲金再做，所以我哋攞嘅時候係全新，就算還返去嘅時候可能有啲凹咗或刮花咗，唔係一開始咁，佢哋都唔介意，只要喺足両就冇問題，呢樣真係好方便💯！其實租前都有講，但整到嗰吓都有少少驚。老婆對啲金都好滿意🥰，一套戴都靚，長輩們都ok，大家ok就掂晒👍。