我真係冇諗過我婚禮前一日訂，千金都可以幫我處理到。咁當然我有再早多少少，真係少少咁打電話上去問佢哋係咪可以幫到手先嘅，佢哋都好好人咁答應咗。咁因爲我時間太過緊迫，都係租啲一set嘅金器，方便快捷嘛。

我覺得佢哋嘅經驗都好豐富，拍得住其他同行嘅水準，大家都係差唔多專業。即使我唔知金嘅質量，佢都會介紹得好清楚，都唔會專登hard sell我嘅。不過我覺得佢哋可以搞多啲優惠，或者加入埋水晶鏈、鑽石鏈等等就更方便，更多元化啦，咁我就可以一次過係一間舖頭搞掂晒唔洗分開搵。另外我覺得千金有一項服務都幾特別，就係可以買返新人當日收到嘅金器，即係我地可以係還金器嘅時候順便賣埋，價錢仲好過大型連鎖鋪頭添！

我諗香港都唔係好多新人知會有租金器嘅服務，如果唔係之前行婚展見到都冇諗過。😳不過我當初都唔係即刻落訂，係臨急臨忙發現金器唔夠先去千金度租。諗住用來襯下紅色晚裝、敬茶嘅時候有金器都好睇啲嘛～🙈同埋依家金價咁貴，買對龍鳳鈪都要2萬幾，仲要結完婚影完相就唔知可以做咩，又無理由特登出去租個保險箱裝起佢，咁倒不如就租啦，又方便又抵，按金收3成都好合理。😉

知道佢哋有呢個服務之後我上左去佢哋尖沙嘴鋪頭度睇同試戴，我覺得地理位置都方便嘅，同埋佢哋啲setting擺得好靚。咁我係同媽咪一齊上去，叫佢幫下眼，上到去係Winnie serve我哋啦，還嘅時候又係佢幫手。而Winnie都係好專業咁比好多資訊我哋，會介紹啲適合嘅款式比我哋，整體來講都唔錯㗎。😗不過都係嗰句，始終依個服務唔算大眾化，我覺得佢哋應該多啲以呢個為一個selling point等更多新人都認識佢哋。🗣️