講真，依家嘅金價真係太貴況且都唔知買完擺係邊，所以一開始都諗住要租金器㗎啦，都提早做定資料搜集再進行篩選。我曾經上過兩間舖頭睇，其中一間就係千金。🧐對比另一間，千金嘅感覺professional好多，起碼真係似一間租金器嘅舖頭。

點解會咁講呢，因為另一間係工廈，一入到去都冇咩裝修，得張檯然後會比部ipad睇，睇到啱款個職員就入去間房仔攞金器出來比你睇。咁冇錯，個保安措施都真係幾唔錯嘅，但作為顧客個感覺就差啲，冇咁正式咁囉。😅

千金就有個display櫃，show咗唔同嘅金器款式比你，睇啱就可以攞上黎試戴。千金嘅款式好多元化，卡通啲嘅有、傳統嘅都有，都花咗唔少時間慢慢揀。😉 佢哋嘅同事會比意見我，話我知新人通常租咩、點配搭等等。結婚之前都冇經驗㗎啦，所以有個人提一提會好好多。🤓

第二個我覺得千金比另一間優勝嘅地方就係千金租嘅全部都係一手金。另外一間同我講如果佢哋收返嘅金冇大損壞修飾下就會比第二個客，感覺就唔係好吉利咁囉。😧而千金就講明所有金都會溶咗之後重鑄，租到嘅金器確保唔會比其他人戴過！