我係join完Red Wedding嘅pre wedding之後，先再決定join埋big day嘅，可見佢哋嘅服務、質素我都係好滿意先會做回頭客啦。我仲係指定要返pre wedding對crew幫手添！ 🤣 當初去搵佢哋嘅時候，佢哋已經展現咗專業嘅服務態度，商談過程當中唔會好aggressive，係以詳細講述package為主，唔會令我覺得好hard sell或者好唔舒服。

講真佢哋個package真係幾抵，咩都包曬都只係萬鬆啲。🤩 佢哋男女禮服嘅位置係分開擺嘅，女士就係主店，男士嘅就要去附近嘅樓上鋪，多數都係睇完女仔再睇男仔。婚紗禮服款式都多，特別係女仔嘅，咁當然唔會話有大牌子、好名貴嘅婚紗，但係以依個價錢我覺得已經物有所值。👍🏼佢哋嘅同事好多都係好helpful，例如係揀衫嘅時候會比好多意見啦，揀咩顏色好揀咩款好，佢哋都會參與其中。佢哋又會特別開個wts group，有咩消息、注意事項都會係group度交帶，專責我哋case嘅同事會定期follow up我哋。🤓

拍攝當日，我studio同外景都有影嘅。Studio嘅場景多元化，唔會好刻板嘅場景feel，佢哋有個好似書房嘅主題，可以比新人攞住相機扮影對方，又可以攞書打下對方個頭，都幾有趣嘅！😆外景方面我就去咗旺角影紅van、石澳同埋秀茂坪。

旺角紅van係我成個pre wedding最impressive嘅地方。一開頭我都係諗住係紅van外圍附近影幾張，但係攝影師Gordon 提議同司機協商可唔可以借佢哋架車影一陣相，而個司機又好好人咁答應咗。😳我同太太就係度扮訓覺或者望出窗，個效果同我預想嘅如出一轍，好特別，未必個個嘅pre wedding都可以做到。Gordon又會係馬路附近幫我哋影相，講真佢都有少少危險架！🙈但佢為咗滿足我哋嘅要求都好樂意咁做。佢同我哋嘅互動性都好充足，佢會教我哋點放鬆去影，會不斷adjust角度，又會親自示範pose比我哋睇。啲相出到黎我同太太嘅互動都好足夠，所以都好appreciate攝影師可以因應客人嘅要求做調節，同時提供好獨到嘅意見比我。😉

之後去到big day，佢哋都好熟悉流程，令到個過程都smooth咗好多。例如會自己調節時間，影咗新郎果邊先，然後再到女家嘅房。Big day當日佢哋都好落力，不斷影不斷影，我估都影咗千幾張。如果講feel就一定係pre wedding嘅feel精緻啲，但畢竟big day要面對咁多人，時間又相對緊迫，佢哋都可以兼顧埋早拍晚播，仲要水準好高喎！🤔真係唔容易㗎～

其實搞婚禮大家都係求開心，好多事都係講求心甘情願，而要遇到一間好公司、遇到好同事真係天時地利因素，咁我好好彩可以遇到Red Wedding。👍🏼

當初見到佢哋嘅相覺得好自然，調色靚之餘味精感唔重。而阿Mo佢對比其他公司一入去就chur到你暈，佢係比好多實際意見。咁我見佢一次都冇sell過我，就覺得你當時唔hard sell之後公司都應該唔會強迫我哋，無形之中形成咗一個信心。🤔係合眼緣同過程舒服嘅因素下，我就join咗佢嘅pre wedding啦。 我哋join咗冇耐佢哋已經係whatsapp send咗份注意事項表比我等我可以預備好，有時我好夜（大約12點）搵佢哋，其實都冇預佢哋會即刻覆，但係佢哋往往都好快回覆，搞到我都唔係幾好意思。🙈

試衫嘅時候四嬸都會比意見我，而且2.5hrs任試，試咗好多衫。記起我妹妹結婚，間公司限住要試幾件又要額外價錢等等，對比之下都高下立見。🤗佢哋禮服嘅選擇好多元化，我老婆就揀咗件輕婚紗、魚尾，我就揀黑白色嘅簡潔西裝。 傾去邊度影相嘅時候阿Mo都會因應我嘅要求就suggest某一啲地方比我，不過好大部分都係我自由發揮，最後就決定去深水埗、山頂公園同纜車，影下啲型格街景。😎

攝影師阿B雖然睇落cool cool地，但係教我同老婆擺pose嘅時候都係好熱心，會講好多要注意嘅detail位。我哋影型格風，就係要飛曬頭紗擺曬pose，唔同其他人追求嘅清新自然風格。😝不過我睇過阿B其他風格嘅相就覺得佢應該咩風格都駕馭到。化妝師Jessica化得我老婆都好靚，去到唔同地點就會轉唔同妝容，又隨時standby係隔離補妝，真係好盡心盡力。😆

到最後揀相嘅時候，又諗起之前朋友講過話有啲會係咁lur你，唔比錢又唔比走，🤯但係佢哋就一下hard sell都冇，只係建議我點整相簿效果會好啲，相都係我哋自己睇自己揀。本身package包30張相，我最後都有額外比錢嘅，都係因為真心鍾意佢哋嘅相，而且係好心甘情願比，成個過程都真係好舒服～