我哋係睇咗Bespoke Wedding嘅Comment同行咗婚展booth，先對Red Wedding有初步嘅了解😉。係婚展到同Red Wedding同事溝通時，佢哋講解Package時十分清晰，又明碼實價，就算真係有額外收費都會同我哋事先講明😊。我哋仲覺得佢哋嘅服務比較彈性，例如我哋問佢哋如果落雨可唔可以改期，Red Wedding即時回覆話可以👍，相對比較之下，其他公司就冇咁彈性化處理，約好嘅日子唔可以更改。而且我哋仲覺得Red Wedding個package包埋影外景同Studio感覺都唔錯🤩，所以最後揀咗佢哋嘅Pre-wedding Shooting嘅package，個Package仲包埋油畫同兩本相簿呀，真係好好❤️。

我哋嘅package本身只包每人租兩套，但婚展有特別優惠😄，我同先生都可以額外各自揀多一套💓，真係超好👍。 試衫嘅時候，我哋就覺得Red Wedding 嘅衫款式好多，而且款式好新又乾淨💗，因為聽Red Wedding同事講佢哋會定期搜羅同入購新嘅款式🤩。幫我試婚紗嘅職員服務態度都好優良🥰，佢哋會介紹咗好多款式俾我試，仲會因應我嘅喜好同身形再推薦唔同嘅款式😍。Red Wedding嘅款式仲唔會分grade，唔需要再補錢租借㗎👍！而Red Wedding 男裝都有好多嘅選擇，因為佢哋個到西裝有好多顏色可以揀❤️，所以我同先生喺Red Wedding試咗一個幾鐘頭先揀好😂，因為實在有太多款式我哋都好鐘意💯。

拍攝前，Red Wedding同事係我哋試衫途中都已經開始同我哋講解拍攝嘅流程，跟著之後用WhatsApp再同化妝師、攝影師溝通，服務真係好好😊。例如化妝師阿Ling會先問吓我鍾意點樣嘅妝，然後根據我嘅喜好化一個簡單清淡嘅妝容😍。而且拍攝當日比較熱🔥，佢都會時不時問吓我需唔需要飲水、補妝，好take care我🥰，真係好細心💗。

外景拍攝方面，我哋選擇咗去獅子會同石澳影相📸。攝影師阿B師傅喺拍攝過程都提供咗好多意見俾我哋👍，感受到佢希望影出嚟嘅相係盡善盡美💯，例如如果影得唔係幾好，佢會教我先生點樣笑得更加自然同好睇😊，令我哋拍攝嘅時候可以更加放鬆🤩。即使我哋唔係好識點撥頭紗、裙尾，佢哋都會一邊開着玩笑咁教我哋😂，令成件事冇想像中咁緊張，而影出嚟嘅效果又會更好🥰。

我哋已經收到相簿，我哋覺得影出嚟嘅效果有90分以上🥰。 我哋仲有向朋友推薦Red Wedding😉，因為聽我朋友講佢哋喺之前係另外一間影得又貴又唔靚，所以就聽我介紹都去咗RedWedding影多一輯Pre-Wedding相，佢哋影完都覺得好好😍！