我係透過朋友介紹認識到 Alan。Alan 俾我哋嘅印象都唔錯，佢唔會急住sell我哋，反而會好詳細咁解釋成個婚禮流程，令我哋可以有清晰嘅概念，甚至講到明唔一定要搵佢做MC，但係佢都好願意分享自己嘅經驗💖。 我哋覺得佢唔係一啲會斤斤計較嘅人，而係真心想幫我哋🥹。Big Day前，Alan都會主動問我哋嘅背景，了解下我哋點樣相識，或者有冇啲小故事可以分享，用嚟準備當日嘅MC稿。佢又會問我哋有冇啲嘢係需要幫手，睇下到時點樣配合我哋。

婚禮當日，Alan 嘅表現真係好細心， 又會俾好多建議我哋，同埋plan A plan B俾我哋去揀💯。Alan嘅控場做得幾好，因為我哋係搞lunch buffet，賓客會行嚟行去，有啲要影相同march in嘅moment，佢就會預先call定咪，或者入去新娘房搵我哋，問吓我哋嚟緊個flow咁樣做o唔ok，又會交代佢opening會想點樣做，所以我哋都覺得好放心同信任佢🌟。因為有Alan幫手處理，我哋唔需要擔心婚禮當日嘅任何問題🥰。 其實我哋都只係見過Alan兩次，但係佢俾我哋嘅感覺係好可靠，大家之間溝通又好足夠，好多嘢都好清晰💖。 同埋感覺Alan好有經驗，講嘢非常之流暢，把聲亦都好吸引，可以帶動到氣氛，大家都幾投入，我覺得Alan當日嘅表現真係滿分！

我係透過朋友介紹認識 Alan ，當時我有睇過其他Wedding MC嘅表現，因為都參加過幾個婚禮，最後因為朋友嘅推薦同Alan嘅空檔，就決定揀佢😆。一開始Alan冇急住收訂金，而係想同我哋見面先，睇吓合唔合適，先決定係咪俾訂金，呢個安排令我感覺好好，冇嗰種為咗錢而做嘅感覺，又唔會有種好chur嘅感覺🥳。Alan嘅溝通態度非常好，覆message都快！ 

雖然Alan淨係負責夜晚嗰part，但佢都好認真咁幫我睇曬成個流程，同埋都俾咗啲意見我哋，例如睇吓啲時間可以點樣調動，佢真係好用心🥹。加上有啲咩問題 Alan 都會幫我哋解答。佢都有叫我哋諗定雙方嘅相識經過，佢會用嚟做開場白，又提我哋如果有驚喜比對方都事先同佢講聲😝！

我覺得Alan好好，因為我哋擺嘅圍數比較多，中間返嚟嗰陣其實都遲咗，但係當時要補返敬茶嘅長輩都多，但當時又唔知邊個會飲，我都驚搞唔掂，但係 Alan話可以交俾佢🥹。我覺得佢把聲好好聽，可以hold住個場之餘，又做埋時間控制，啲姊妹都有讚Alan👍！佢亦完全尊重我嘅要求，因為多數都係講完一大輪嘢，食乳豬之後就會轉紅裙，但係我想着婚紗影多幾張合照，Alan喺呢到都幫到我手🙏🏻，甚至我媽咪都話佢好細心，因為有張大合照漏咗我阿哥，Alan及時發現咗，因為我自己都會唔記得，所以呢啲位我覺得佢都好細心✨。

有個情況係啲凳搬嚟搬去，但啲親戚又唔坐咁樣，當時我自己都有少少炆，但Alan 成晚都保持笑容，無論幾忙，情緒都好穩定，有種遇到啲咩都可以好輕鬆咁解決嘅感覺🌟。好多朋友結婚都會諗搵唔搵MC，但我覺得MC真係好重要💯。 本身都有啲擔心，但係而家真係好推介Alan😚。 就算係婚禮完咗之後佢都係覆得好快，最重要係佢唔會催我俾尾數，呢一點令我唔會覺得好大壓力，感覺佢都好信任我哋🤣。