當初揀 Alan 做 MC，主要係因為之前有見過佢做MC，所以我哋對佢嘅風格同能力都有基本嘅了解，對佢都幾有信心😚。Alan 亦都會俾啲實用嘅意見，例如點樣安排流程會比較順暢，時間大概要預留幾多，佢都有提醒😆。當我哋遇到問題問佢，佢都會即刻回應，令我哋準備婚禮嗰陣唔會咁大壓力。當日Alan嘅表現，我真係覺得佢好穩陣，經驗好豐富，完全唔覺得佢會緊張，整體感覺好專業，令我哋好有信心🤩。 有啲位我都覺得佢做得幾細心，例如兄弟唔小心跌咗戒指，Alan 即刻幫忙搵返，唔會令到現場氣氛尷尬。其實呢啲細節唔係每個人都會留意，但佢好冷靜，處理得好妥當，令我哋都好放心👍。我同我屋企人、朋友都覺得佢做得唔錯。當日佢表現得幾好，講嘢流暢，聲線清晰，語速適中，而且普通話同廣東話都應付到，可以照顧返唔同賓客個需要😙，呢啲細微位睇得出Alan經驗足夠，應變能力唔錯，如果可以喺敬酒嗰陣再幫手控制下節奏就更加好喇！