我覺得DW早拍晚播嘅作品真係好吸引，尤其係影男方嘅部分，影得好有型，拍嘅手法好好，之後又有其他朋友結婚都係搵佢哋，睇過DW喺婚禮嘅表演都覺得幾唔錯🌟。我自己算係做選擇好快嘅人， 加上我又唔係有好多要求，加上見到DW都幾多likes，所以就毫不猶豫咁選擇咗DW。

DW 回覆我哋都好快，而且佢哋都好有經驗，俾咗個schedule我哋參考，又會問定我哋吉時同出門時間，再set up個flow✨。過程中都覺得同佢哋相處得好好，態度又好，令我哋完全唔需要擔心。 Big Day之前，DW都會問吓我哋有冇啲特別嘅要求🥳。 我最深刻印象嘅係，因為package係包一個助手，我一開始以為個助手係幫佢哋手，可能係關於器材嗰一方面，反而助手主要係幫我哋手😚，例如喺朝頭早敬茶嘅時候，佢會同我哋講個步驟係點樣， 又會教爸爸媽媽要講啲咩嘢，又會額外幫我哋影吓相，呢一樣嘢我都覺得幾驚喜，冇諗過會有一個助手嚟guide住我哋新人，兄弟姊妹同父母🥰，令到我哋都清楚知道要做啲咩。 

我覺得DW真係好專業💖， 我記得嗰陣時我哋影外景嘅時候，DW係會分返男女兄弟姊妹兩邊同步影，呢個位我幾欣賞。 因為我之前做過姊妹，多數啲攝影師影緊新郎同兄弟嗰邊嘅時候，多數新娘同姊妹就會喺隔離傾偈，我覺得咁樣就會嘥咗啲時間。 因為我揀咗2P 2V，所以佢哋可以分開進行唔同嘅工作💯。出到嚟嘅成品我哋都好滿意，甚至有啲相DW都有幫我哋再調校下啲色tone😙。 至於早拍晚播嘅片，我就覺得遲咗少少播，因為都差唔多10點幾先播。可能係因為影相期間有親戚插入嚟合照，令到影相嗰到用多咗時間，定可能條片真係剪耐咗，因為我哋係入咗席先證婚， 變相佢哋要之後先可以放返啲證婚嘅片段入去條片到，咁先會完整啲，但如果可以早少少播，就可以令到賓客佢哋可以預返時間走🥹。

我喺DW未紅之前已經留意到佢哋嘅作品，尤其係阿duck同Will兩位攝影師，真係好鍾意佢哋嘅風格。當時我睇到DW嘅 concept video，就已經決定我嘅Big Day一定要搵佢哋，所以嗰陣時揀日子結婚之前，其實都有特登夾返阿duck同Will兩位攝影師嘅檔期， 因為真係好想搵佢哋🥹。

溝通嘅過程非常順利，DW回覆速度快又清晰，Will仲會打俾我，同我傾曬成個流程。DW 又會教我哋啲動作點樣擺，令成個拍攝過程更加順利💖。 婚禮當日，DW團隊對時間嘅掌握非常好，避免咗超時嘅問題，呢點真係值得大大讚賞。雖然當時係冬天，但天氣出奇地炎熱，DW特登安排咗時間俾我哋休息，因為着住套褂實在太熱，呢啲細節DW真係做得好到位😚。

我揀咗嘅package係包兩位攝影師、兩位錄影師同埋一位助手，可以由唔同嘅角度捕捉到呢個重要日子❤️。更加值得一提嘅係，助手係女仔，咁就會更加方便，呢個安排真係非常貼心🤩。DW 嘅團隊配合得非常有默契，佢哋之間嘅溝通同合作非常順暢，感覺好穩陣。當日其實發生咗少少意外情況，我哋原本打算喺西九影相，但因為撞正有音樂節，佢哋即刻靈活改咗場地，去咗數碼港，令成個流程依然好順利， 所以覺得DW應變能力都好好💯。

我非常鍾意 DW 嘅早拍晚播，呢個係我選擇佢哋嘅原因之一👍。當晚播出嚟嘅片段，親戚朋友個個都讚，DW嘅轉場同特效處理得非常出色， 歌又揀得好好，唔係簡單拼湊，而係真係用心設計，而且同出面嗰啲早拍晚播入面嘅相唔同，佢哋唔會太實色😎。 當日我哋有deco唔啱size， 搞到projector無法拉落嚟，但 DW 同其他vender即時幫我解決咗個問題。 條片兄弟姊妹都睇得好開心，我個英國朋友都話佢哋好好✨。之後DW仲俾返咗我哋一段個幾鐘嘅完整片段，就算我老公平時對呢啲嘢冇乜興趣，都讚佢哋嘅製作好用心，連我媽媽睇完都話DW係佢睇過最好嘅攝影公司。希望DW可以繼續加油，keep住佢哋獨特嘅拍攝風格🌟!