我自己本身都有影開相，感覺DW嘅風格，角度，燈光，表情捕捉最符合到我嘅要求，所以決定搵DW😙！我覺得佢哋嘅風格比較後生，冇咁傳統， 團隊都比較容易理解我嘅要求，呢一點非常好，溝通上亦非常順暢同舒服，我可以直接講出我想要嘅主題、角度，甚至連笑容嘅問題都可以講！拍攝前，我哋都有同DW嘅團隊詳細溝通過， 尤其是係攝影師Will，佢真係俾咗好多意見我哋✨。

DW會將我嘅西裝同新娘嘅婚紗選擇逐部分去配搭。無論係婚紗定便服，都好細心配搭，諗得好周全，佢哋真係花咗心思同新人溝通，確保成個拍攝效果最好，非常專業。Will 嘅指導同應變能力對於拍攝過程非常有幫助，我哋都覺得好安心🤩。我哋就揀咗喺日本富士山河口湖影櫻花，拍攝之前因為天氣原因，其實櫻花季都推遲咗🥲。加上拍攝嗰幾日落雨，但 Will 依然能夠安排行程，保持專業，令我哋可以安心拍攝，唔會話因為天氣關係影得唔好，俾藉口自己！而且Will會注意到我哋嘅笑容同表情，提醒我哋放鬆，呢啲都令我非常滿意。 DW團隊又會提早去到日本，睇吓當地嘅情況，同埋有冇一啲景點可以加入去，有做足功課去進行成個拍攝💯。喺拍攝期間有個有經驗嘅人指導，真係輕鬆好多。因為落雨，新娘會比較辛苦，DW都有就返個角度，令到拍攝嘅期間唔會太辛苦，但係又影到靚嘅相😚。 而且因為天氣問題，攝影師嘅相機有陣時都會俾雨滴到， 但佢為咗個角度而唔介意呢樣嘢，我覺得佢真係好勁！

化妝師同攝影師嘅配合做得非常好，會互相幫手，避免一啲尷尬場面。因為落雨，條婚紗有啲濕，DW非常主動話可以先將婚紗放喺佢哋嗰邊，因為佢哋住嘅地方比較大，可以俾條婚紗乾一乾，都好主動去幫我哋👍。最後拍攝嘅成品令我哋都非常滿意，所以決定咗Big Day嘅攝影都會交俾DW！

一開始我係上網認識到 DW，亦聽過朋友用過佢哋嘅服務， 所以一直都有留意DW。雖然我都有睇過其他公司，但最後我覺得自己最鍾意都係DW嘅風格同埋影出嚟嘅效果❣️！溝通過程當中，團隊都俾好多資訊我哋， 最後我哋揀咗DW 嘅Pre Wedding 同 Big Day 攝影服務。聯絡嘅過程都好順利，同事都覆得好快，令我覺得好安心。不過後期等攝影師聯絡嗰陣就有少少擔心，因為一直未等到佢哋嘅message，所以我就有啲驚DW 唔記得搵我哋，而且當日啲細節都未決定好。但好彩攝影師之後都有快啲聯絡返我哋，仲俾咗好多建議，令到我哋喺選擇拍攝地點同埋著咩衫方面都有咗清晰嘅方向😙。

我本身都有上網做吓功課，睇吓啲拍攝地點，但始終影相唔係我哋在行嘅嘢， 所以就住地點同路線都有問吓DW 嘅意見🥳， 而佢哋就住自身嘅拍攝經驗，俾咗啲建議我哋。拍攝當日，我真係覺得DW 好專業。攝影師好識得利用當日嘅光線同埋環境，教我哋點樣擺姿勢會好睇啲同埋動作會靚啲😜。雖然我哋影相嘅時候有啲緊張，但攝影師同佢嘅助手都好有耐性，幫我哋放鬆心情，笑得自然啲，動作都自然好多✨。

我哋特別鍾意其中一個景點嘅照片，係坪洋村嘅白茅草景色，因為呢個地方係我哋一直想去❤️。當時，我哋都有啲擔心草地嘅情況可能唔夠理想，但攝影師事先已經幫我哋睇過場地，確認草地狀況適合拍攝🥹。最後影出嚟嘅相真係超出預期，我哋好鍾意呢個景點嘅拍攝效果💕，另外想特別講下，DW 嘅細心真係令人好滿意，令到我哋好放心交俾佢哋。嗰日我眼睫毛黐住咗，DW 嘅助手即刻過嚟幫手，確保我嘅妝同埋衫都係最好狀態🤩！影完之後，攝影師仲好貼心咁俾咗幾張preview我哋睇，效果真係好好，基本上都唔洗再執圖，直接用原圖已經好滿意🥰！