其實我都有比較過其他公司，但最後揀咗DW ，因為我覺得佢哋拍攝嘅風格同色調好吸引😆。我哋嘅 Pre-wedding 同 Big Day都揀咗DW 負責，佢哋嘅團隊好熱情同埋主動去幫助我哋❤️。喺 Pre-wedding 拍攝之前，DW 都有問吓我哋有冇特別嘅要求或者喜好，而且因為我哋想揀outdoor嘅地方去拍攝，團隊仲提供咗拍攝地點嘅建議同埋分享咗佢哋團隊嘅經驗🌟。

成個過程中，DW嘅表現非常專業，攝影師唔單止技術高超，仲識得點樣營造輕鬆愉快嘅氣氛，令到我哋更加投入到去拍攝呢一件事上面🤩。DW 仲會指導我哋點樣擺姿勢同俾啲拍攝建 議我哋，令我哋會自然啲同冇咁怕醜😋。因為我平時少對住鏡頭，一開始都有啲緊張，但DW 好快就令我哋放鬆，可以自然咁影出理想中嘅效果，仲會教吓我哋隻手可以點擺，可以點行咁樣，令我哋覺得有啲嘢跟住去做，成件事會容易啲，冇咁無從入手😝。

Pre Wedding同Big Day嘅團隊都係一樣。DW唔單止係拍攝方面專業，仲非常細心咁幫我哋計劃Big Day當日嘅流程。由於當日行程好緊湊，DW都爭分奪秒咁幫忙，希望可以追返啲時間，甚至提醒我哋嘅屋企人同朋友喺某啲環節應該點樣配合，又幫手活躍成個氣氛，令成個過程都變得融洽同開心😝。呢啲貼心嘅服務令我哋覺得好安心，亦確保咗Big Day可以順利咁進行。 而且係影大合照嘅時候，等唔齊人嘅時候，DW又會用其他方法去處理， 咁就唔會太浪費啲時間，感覺佢哋諗嘢都幾周到，所以我哋都好放心❣️。無論係相片定影片，DW都超出咗我哋嘅期望。影片方面我覺得剪輯係非常用心，雖然得好短時間，但係真係做到我預期之外嘅效果。現場賓客都讚不絕口，仲問我要咗DW Production嘅聯絡資料🤣。我哋有要求到喺影片當中額外加入一段片段，DW都好樂意幫忙，令成條片更加完美。DW會準備後備方案嚟預防突發狀況，呢點真係令我哋對成個過程好放心。佢哋承諾嘅交相時間完全冇拖延，一切都按計劃進行，而最後出嚟嘅成果都係非常之滿意，成個過程非常愉快🥰！

我係喺網上見到DW 嘅作品，覺得佢哋嘅風格好啱我😆。而之前都有聽過佢哋唔少正面嘅comments，所以就決定揀DW 。之後DW 都有同我哋約時間做電話訪問，了解返我哋想要點樣嘅風格💕。團隊都好親切，同埋對我哋嘅要求都好重視。喺大日子之前，攝影師團隊會問吓我哋有冇特別嘅喜好，我哋都有同佢哋講想要啲咩角度嘅相，團隊都確保到每個細節都照顧得好到位❣️。

喺拍攝過程當中，佢哋真係非常專業又nice，團隊會講笑話令我哋放鬆啲，令影出嚟嘅相片笑得比較自然。 影相嘅時候我哋都冇乜壓力，因為成個氣氛都好愉快😋！啲相出到嚟嘅質素，真係超出我哋嘅預期，每一張相嘅角度同調色都非常用心，令我哋覺得等待真係好值得！❤️而且佢哋仲拍咗兩條唔同風格嘅片，一條係浪漫風格，仲有一條係比較搞笑，有趣一啲嘅，兩條片我都好鍾意💘。

令我印象深刻嘅係，當日天氣唔好，落咗大雨，但我定嘅拍攝場地係草地， 呢一個場地我真係非常之喜歡，好想影🥹。 本身係連嗰個場地嘅職員都唔俾我哋去影，但DW仍然盡力去滿足我哋嘅要求，冒雨咁幫我哋影咗啲非常珍貴嘅相🥹，成果都令我哋非常滿意同開心。最後，我都好欣賞佢哋喺俾相方面嘅方式。佢哋寄咗個好精緻嘅木盒俾我哋，入面有 USB，真係充滿儀式感，令我覺得非常驚喜同埋覺得佢哋真係好用心咁去準備。我都推薦咗DW 俾我嘅朋友😜！